Hơ̆ là: Mpồl lơh broă bal Dược liệu Hoàng Hiểu Tu Mơ Rông tàm sàh Đăk Hà, kơnhoàl Tu Mơ Rông; Mpồl lơh broă bal tam Kơnuh sơnơm Ngọc Linh Đăk Xây tàm sàh Xốp, kơnhoàl Đăk Glei; hìu ồng A Sỹ, A Chung tàm sàh Tê Xăng mờ Măng Ri, kơnhoàl Tu Mơ Rông tŭ do gam tam 5 rơbô 800 tờm kơnuh sơnơm Ngọc Linh bơh 6 sơnam rơlao hờ đang.

Ồng Huỳnh Trung Kim, Phó Kwang lam bồ Sở Bơta chài mờ Măi mok pa càr Kon Tum pà git, tus tŭ do mpồl lơh broă do neh ai sră dờp gơnoar ngui sơnđio ù tiah “Ngọc Linh” phan kơnuh sơnơm ai 13 mpồl lơh broă bal mờ cau dùl nă să in. Lài mờ tŭ kâp mpồl lơh broă pơgồp bal mờ Sờh Broă lơh sa suơn sre mờ Tiah ơm kis, Anih duh broă làng bol ală kơnhoàl mờ sàh bơyai lơh sền, ai gŏ khà, sơnam geh tơl tiah tam kơnuh sơnơm nàng dan ai sră sơnđio ù tiah. Mờ ai phan mblàng ADN tŭ geh cồng nha ai tơngŏ di là kơnuh sơnơm Ngọc Linh hơ̆ sồng geh ai sră gơnoar ngui sơndio ù tiah “Ngọc Linh”.