Cau lơh  broă sa càr Gia Lai gam sơnđờm mut tàm kàl tơnhào sầu riêng nam 2025. Bulah geh uă jơnau yal bè kal ke tàm broă tăc phan mờ lơgar ndai, mơya kơnờm gàr niam geh bơta niam bơkah, ală cau lơh suơn tàm càr Gia Lai kung gam tăc geh giă gơ kờñ ngan bơh 55 rơbô tus 70 rơbô đông dùl kĭ gơ jat ală bơta plai, là tềl tơngŏ niam ngan ai dùl kàl sầu riêng lơh geh cồng nha dê. Tŭ do, jơh gùt càr Gia lai geh pơgăp 8 rơbô 200 lồ sầu riêng, tơrgùm tàm ală kơnhoàl: Ia Grai, Chư Sê, Chư Pưh, Đak Đoa, Mang Yang, Chư Prông, Đức Cơ…

Cồng nha tơnhào kờp bal lơh geh 14 tấn 8 tạ dùl lồ, mờ ală suơn chi geh sơng ka sền gàr niam, khà do digơlan lơh geh bơh 20 tus 30 tấn dùl lồ. Tàm khà hơ̆, pơgăp 5 rơbô lồ gam tàm tơngai ai tơnhào, kờp dŭ cồng nha lơh geh jơh gùt càr dê là 75 rơbô tấn. Is ồn, Gia Lai neh geh pà 54 mã sồ tiah tam mờ kờp jơh bă ù ơnàng 1 rơbô 281 lồ, dong sầu rêng tàm càr dê tăc tus uă drà kă bro dờng, bè: Lo, Mỹ, New Zealand, mờ Australia. Tus nam 2030, càr pơlam gùng dà pờ ơnàng bă ù tam sầu riêng gơguh 10 rơbô lồ, mờ jơnau kờñ bơt bơtàu mã sồ tiah tam ai tơl 10 lồ mờ ngui tơl jơnau sồr GlobalGAP nàng kờñ lơh geh jơnau kờñ tăc mờ lơgar ndai.