Dăk Lăk lơh pràn sền swì nền bơta niam, gàr bơngă sầu riêng tăc mờ lơgar ndai
Thứ ba, 10:52, 08/07/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K'Ho- Càr Dăk Lăk gam lam lơh uă broă lơh kràñ cê jơh nùs ngan nàng gàr kơnhăp bơngă sầu riêng tăc mờ lơgar ndai tŭ kàl tơnhàu gam mờr tus rềp.
Dăk Lăk tŭ do geh pơgăp 41 rbô lồ sầu riêng mờ plai digơlan lơh geh bơh nam do geh pơgăp 400 rbô tấn, gơguh pràn pơndrờm mờ ală nam lài. Sờh Broă lơh sa sươn sre mờ Tiah ơm kis càr Dăk Lăk neh pơgồp bal mờ Tơrgùm ală mpồl Sầu riêng mờ ală mpồl lơh sa kă bro, mpồl lơh broă bal, lơh pràn sền swì nền bơta niam, ai dồ êt mblàng sền khà jơngkah, hơ ờ ngui ală sơnơm ờ ai ngui, is ồn sok sền kràñ ngan sơnơm rơmĭt ô mờ cadimi.
Tơrgùm ală mpồl Sầu riêng Dăk Lăk kung sồr làng bol ờ gŏ di tăc plai mơda tŭ ờ hềt tus tơngai tơnhàu, pleh gơ aniai gơtìp bơcăp giă halà roh bơngă.
Viết bình luận