Tơnơ̆ rlau 1 poh lơh broă tơnơ̆ rơndap tap sèng, broă bơsong sră pơ àr gơnoar atbồ bơh ală sàh, sơnah ƀòn tàm càr Lâm Đồng dê neh lơh broă niam, lơh jat niam jơnau sồr drơng broă làng bol in. Bal mờ 16 anih lơh broă, mpồl lơh broă, sờh, gah broă lơh kâp càr, jơh 124 sàh, sơnah ƀòn, tiah is ồn bơh càr Lâm Đồng dê ndrờm geh lơh ring bal anih bơsong sră pơ àr gơnoar atbồ, ngui phần mềm atbồ sră ngal pa, lơh jat niam jơnau kờñ dờp mờ bơsong sră pơ àr làng bol in.

Jat Sở broă dơlam is càr Lâm Đồng, kờp bơh ngai 01/7, pah ngai geh rlau 1 rbô sră nggal tong tơn mờ tàm internet tàm ală anih lơh broă, mpồl lơh broă nàng kơp bơsong. Lâm Đồng geh đơs là dùl tàm 5 càr lam lài gùt lơgar tàm broă dờp, bơsong niam sră pơ àr gơnoar atbồ tàm ală ngai sơn rờp lơh broă gơnoar atbồ ƀòn lơgar 2 kâp.