Tàm dơ̆ wă, Ƀí thư Thành ủy ƀòn dờng Đà Nẵng ồng Nguyễn Văn Quảng pà git, bồ nhai 8 nam 2025 rơ̆p bơyai lơh Lơh chờ Niam chài lơgar Việt Nam mờ lơgar hàn Quốk tàm ƀòn dờng Đà Nẵng, mờ tam pà bal ală cồng nha tus bơh broă lơh Pơrlòng lơma câu Á geh bơyai lơh tàm ƀòn dờng Đà Nẵng.

Ồng Nguyễn Văn Quảng tơlik nùs nhơm kơ̆p kờñ pơn jăt tai dờp geh broă pơgồp bal nền nòn bơh ală anih lơh broă Cíñ phủ bal mờ Quốk hội lơgar Hàn Quốk nàng tơnguh bơta git gơ̆p lơh bơyô bal, lơh broă bal đah lơgar Việt Nam mờ lơgar Hàn Quốk đơs bal, đah ƀòn dờng Đà Nẵng (pa) mờ ală tiah tàm lơgar Hàn Quốk đơs is.