Ngai òr (08/07), tờm dùl nam Tổng Ƀí thư ồng Nguyễn Phú Trọng sang rài. Làng bol gùt lơgar tus chu nàng kah kơlôi ƀồc Tổng Ƀí thư ồng Nguyễn Phú Trọng tàm ngai tơnkah tờm ngai chơ̆t sơnrờp ngan. Kwang bàng, đảng viên bal mờ làng bol he kah sùm mờ sền ngềr ngan dùl nă cau ngăc ngar dờng, jăk chài dờng bơh kăc màng lơgar Việt Nam dê, cau nùs nhơm niam, cau niam chài, cau lam lài jơnau đơs bơh Đảng dê.

Mờ rơlao 57 nam sơnam Đảng, dờng tàm bơh ală bơta mùl màl kăc màng dê, ƀồc ồng Nguyễn Phú Trọng neh lơh broă jơh rài ai broă lơh Đảng in, jơi bơtiàn in. Ƀồc ồng Nguyễn Phú Trọng là cau lam lài bè cau niam bal mờ bơngă bơh dùl nă cau ling kộng sàn dờn song, jơh nùs drơng broă Dà lơgar, drơng broă làng bol. Ală broă lơh, lơh broă jăk ngan bơh ƀồc ồng Tổng Ƀí thư Nguyễn Phú Trọng dê sùm gơwèt mờ Dà lơgar bal mờ làng bol.

. Ƀồc Tổng Ƀí thư ồng Nguyễn Phú Trọng neh lời wơl ală phan lời wơl bơh dùl bơta ngăc ngar dờng, jăk chài dờng, cau nùs nhơm niam, cau niam chài, cau lam lài jơnau đơs Đảng dê. Nùs nhơm bal mờ broă lơh ồng dê là bơh cau đảng viên kộng sàn dờn song, geh bơngă dờng, là cau tờm tơrgùm mpồl tam klăc bal, ring bal ngăc ngar bơh gùt Đảng, gùt làng bol, gùt ling klàng. Măt sơnđan bal mờ broă lơh, broă lơh bal mờ lơh sùm, bơta chài bal mờ nùs nhơm niam bơh ƀồc Tổng Ƀí thư ồng Nguyễn Phú Trọng rơ̆p gam àng sùm tàm rài kah yau jăk chài Đảng he dê, jơi bơtiàn he dê, tàm bơta git ưn ngài, sền ngềr bơh kwang bàng, đảng viên bal mờ làng bol he, tàm nùs nhơm bơh ală bơyô tàm ală lơgar dê.