Điện Biên sir jos sir jos kriz uô cov tâu jông têx hâux lưv nhoz chinhr quyền 2 cấp

       Lơưr Nghị quyết lok chủ trương kho đuô, chor phường: Thanh Trường, Thanh Bình, Mường Thanh, Tân Thanh, Him Lam thiêz xar Thanh Minh thành phố Điện Biên Phủ tâu chiê lok uô cê chiê yênhx lix phường Điện Biên Phủ. Ntơưv phường Thanh Trường, côngz xưv phênhz têx ntâuz ntơưr, qênhz shuôk tai chính, txos kho đuô tsưr tsix bôv mêir canr bôv tưz tâu uô tiêr. Zơưv Trần Văn Tuấn, Bí thư Đảng ủy phường Thanh Trường, thành phố Điện Biên Phủ, puz pâuz: “Phường cux tưz chox kriê Ủy ban qênhz shuôk tas nro têx chuôz zênhx, cxuô zav, tài chính chiê phưx vưv trâu chiê lok uô cê. Pêz cux chox kriê Ủy ban, cux li đảng ủy kriz uô qênhz shuôk, kho đuô têx ntâuz ntơưr”.

          Kriz uô đề anr kho đuô têx taz viv cấp xar, tas nro tỉnh Điện Biên grêk tsơưs txix 129 xar, phường, thị trấn txos yuôr 45 taz viv, zos 42 xar thiêz 3 phường. Kho đuô no tưz tsik zos chiê uô ntov jông bôv mêir, cxênhx txuôs nhiêx txiêx mak tsênhv paz gra siêz tsơưr lươngv phưx vưv trâu pêx xênhv.

          Txix hnuz 25/6, tỉnh tưz piz kriz uô siv Hôiv đôngx, Ủy ban li têx hâux lưv ntơưv chor xar, phường yiêz zos: xar Na Sang, xar Thanh Nưa thiêz phường Điện Biên Phủ. Iz cxiê ntâuz ntơưr hành chính tưz tâu kriz uô siv trực tuyến thôngz đhâu cổng dịch vuv công têz qơưk chiê qênhz yuôx hâux lưv txêik jênhv, đơưk kho thiêz muôz têx ntâuz ntơưr ntơưv cấp xar, phường. Txix hnuz 26-27/6, chor thax tsav qơư cấp huyện uô tiêr côngz xưv kho đuô têx vax tsêr cxuô zav, lênhx nênhs chiê chor xar, phường yiêz piz uô tâu hâux lưv txix hnuz 1/7. Chor qơư uô hâux lưv, cxuô zav công, chuôz zênhx thiêz cxiv luôs qơư zoz zux cux tưz tâu choz zok, kho đuô lơưr tsưr ziv sir zôngv truôx jông, huv zos cui tênhv.

          Zơưv Trần Quốc Cường, Bí thư Tỉnh ủy Điện Biên puz pâuz, tỉnh hêik chor cơ quan muôx vax huôv sêi đrơưv cxiv tsa têx chêi huôx tôngv, chor cui tênhv huôx tôngv, bax qơư uô hâux lưv, chuôz zênhx, cxuô zav chiê chor xar yiêz uô tâu ciês têx hâux lưv. Đros co zos paz trâu chor dưv anr tsênhv kriz uô ntơưv têx huyện kuz tâu huôx tôngv zôngx ziv tiv zix tsik chiê njiz trâus phiv liv hâur ntu choz zok: “Tas nro tỉnh li sir jos xuz thơưx zos tsêx trung tas nro cxuô pênhr jos chiê muôz 45 xar yiêz lok uô ciês tâu têx hâux lưv. Ủy ban thiêz chinhr quyền cấp huyện, cấp xar tsêx trung bax nênhs, vax tsêr cxuô zav chiê chor taz viv cấp xar yênhx lix yiêz uô tâu jông cxuô kror hâux lưv. Txix cấp ủy txos chinhr quyền thiêz chor nganhx muôx vax huôv cấp xar yiêz tsuv muôx txâuk qơư uô hâux lưv, chuôz zênhx, qơư nhoz trâu canr bôv, công chức, viên chức. Txix co thôngx ziv chiê tuôr truôx tâu ngaz tuk ntơưv thax tsav qơư, suôv câuv cấp huyện thiêz kriz uô hâux lưv nhoz cấp xar”./.

Vũ Lợi-Lik Thox cxêik nhênhv

Sơn La cxiv tsa tsưr ziv cxiv tsêr hlâu phưx vưv huôx tôngv chính quyênx cấp xã yiêz đhâu thâuv sik côngv

          Chủ tịch UB tỉnh Sơn La- zơưv Nguyễn Đình Việt puz pâuz, đros têx tiv phaz hâur tas nro têz qơưk, Sơn La tưz sir jos krêz uô cxuô luôk hâux lưv chiê chính quyênx tiv phaz 2 cấp huôx tôngv hnuz xiêz 1/7/2025. Uô ntex co, chiê zuôr chênhz zênhv thiêz taz por huox tôngv jông, txix hnuz 24/6, tas nro 75 xã, phường nhoz Sơn La tưz huôx tôngv siv chính quyênx cấp xã yiêz. Đhâu yênhx lix têx Đoanx côngz xưv muk tiv phaz chiê qênhz yuox hâux lưv krêz uô, huôx tôngv chính quyênx cấp xã yiêz, tso pov têx xã, phường puôr lênhx huôx tôngv jông, tuôv zênhv têx zoz qơưx tso tơưv.

          Taz sik, ntâu phêv liv cux tâu tso pov tsênhz mênhx, tiv zix zos cơ sở cxuô zav li tsêr uô côngz xưv, tiv zix zos tsêr trâu cán bộ nhoz xã uô hâux lưv muôx tsi txâuk. Lok têx tsưr ziv uô ntêx chiê car chêx qênhx shênhx no, Giám đốc Sở tài chính tỉnh Sơn La thôngz xor mông: “Lơưr Trung ương li thôngz pov hâur ntu hlôngr yiêz, uô ntêx iz xã zuor tâu muôz 500 tsov đeiv chiê zuôr meir tính, kho đuô qơư uô côngz xưv….Pêz tưz uô ntâuz ntơưr xa Bộ nhiêx txiêx chiê thôngz sâu. Zos Trung ương tsi tâu muôz mak tỉnh muôz uô ntêx chiê têx xã yưv pênhr krêz uô hâux lưv no. Lok lêx ntêr Sở tưz thix ziv TW paz nhiêx cxiv uô tsêr uô côngz xưv trâu têx xã, 75 xã hâur tỉnh mak muôx nhos 180 tỷ đeiv thiêz paz tỉnh Sơn La yưv pênhr zuôr yêz ô tô yiêz trâu têx xã”.

          Zơưv Đào Tài Tuệ, Giám đốc Sở cxiv tsa tỉnh Sơn La puz pâuz, nganhx tsênhv heik krêz uô hâux lưv cxiv tsa têx tsêr hlâu chiê tuôv zênhv zoz qơưx nhoz, qơư uô xưv, paz cán bộ, công chức, viên chức nhoz têx xã yiêz tso siêz uô hâux lưv, uô tiêr jông jênhv vưv tâu choz: “Nganhx cxiv tsa tưz heik kriê tsưr ziv uô tsêr hlâu, sir jos tso tơưv tsưr ziv uô uô ntêx hnuz xiêz 1/7. Đrâuv co, thix ziv tỉnh tsov cưv muôz nhiêx txiêx paz têx xã, phường cxiv uô tsênhv qơư xã yiêz, thâuv ntêx hâux lưv no tsênhv tso tsês, taz sik nhiv no têx xã yiêz tưz tâu njuôs xav tsênhz mênhx lơưv mak hâux lưv krêz uô zos cxiv qơư uô xưv yiêz taz por trơưk tsưr ziv tưz tâu thôngz đhâu”.

          Zơưv Nguyễn Đình Việt- Chủ tịch UB tỉnh Sơn La heik mênhx, txơưv njiz ntâu phêv liv, taz sik têx xã yiêz đhâu thâuv sik côngv tsuv muôx qơư uô côngz xưv jông, taz por huôx tôngv jông, phưx vưv jông tsôngv box thiêz doanh nghiệp sâuv thax tsav li zoz qơưx./.

Thu Thuỳ-Txâur Vax cxeik nhênhv