Koh hâk hiăng klêi tơniăn rôh hôp má 9, Kuô̆k hô̆i hneăng 15, kơxê măng hâi lơ 26/6, Vi ƀan pơkuâ cheăng Kuô̆k hô̆i hiăng tơkŭm Leh mơgêi ƀă diâp pri mơhnhôk hriĕn plĕng ƀai hơdruê ‘na Kuô̆k hô̆i ƀă Hô̆i đồng kuăn pơlê. Pôa Trần Thanh Mẫn  Kăn xiâm hnê ngăn Kuô̆k hô̆i  veăng leh diâp pri. Kơ’nâi lối 10 khế mơhnhôk ( sap hâi lơ 27/2/2024 troh hâi lơ 10/12/2024), khu tơrŭm cheăng hiăng tơdah xo 672 ƀai chêh tiô tuăn vâ dêi vâ chê 400 ngế nhạc sih lo ing lâp lu tơnêi têa.

Mâu ƀai chêh ôh tá xê to chêh tro tiô tơdroăng pơkâ thế mê ối hên  ‘na tơdroăng hơdruê ƀă mâu tơdroăng pơ eăng  ‘na um méa, mơhno hnoăng cheăng dêi Kuô̆k hô̆i ƀă hô̆i đong kuăn pơlê tung tơdroăng mơjiâng Tơnêi têa tiô luât xah hô̆i chuh ngiah dêi Kuăn pơlê, ing Kuăn pơlê, xua Kuăn pơlê . Mâu tơdroăng hơdruê krip krih, pêng tơdroăng hơniap ro hiăng  mơhno tối tơdroăng hâk tơngăm ƀă tuăn loi dêi kuăn pơlê ‘na Kuô̆k Hô̆i Việt Nam ƀă mâu ngế kuăn pơlê rah xo. Hô̆i đong séa mơnhên ngăn hiăng diâp 5 pri B, 9 pri C, 19 pri mơhnhôk ăm mâu ngế hriĕn chêh pro.