Riân troh khế 5 hơnăm kố, Việt Nam tơdah lối 340 rơpâu ngế tơmối ôm hyô dêi Nhuk. Tung 5 khế hdrối, lối 300 rơpâu ngế tơmối Việt Nam hiăng troh a Nhuk, tâk 9,6% tâng vâ pơchông ƀă hơnăm nah. Ai tiah mê cho kơnôm ing kơdôu mơ-eăm dêi mâu tíu pêi cheăng, khu tơrŭm cheăng tung kơvâ ôm hyô dêi péa tơnêi têa.

Kăn teăng mâ Nhuk a Việt Nam pơkâ mơdêk kơxô̆ tơmối ôm hyô pơla péa tơnêi têa tâk 2 rơtuh ngế a hơnăm 2030. Kơ koan Mơhnhôk Ôm hyô dêi Nhuk a Việt Nam ƀă mâu khu tơrŭm cheăng tơngah hôp tơpui tơno kô po hên rôh ki nếo tung tơrŭm cheăng, tê mơdró, troh djâ ôm hyô Việt Nam - Nhuk rế mơnhông tung tŭm tơdroăng, trâu rơdâ krá tâ tung la ngiâ.