Tâi tâng tơmeăm tung kong pơlê (GRDP) kong pơlê châ kơlo tơtêk 7,49%. Kố cho kơxô̆ ki tơxâng mơhnhôk, ki má lối cho drêng kong pơlê nếo tơkâ hluâ tơdroăng tơmot chiâng môi kơ koan pêi cheăng tơnêi têa, kal hâi khế vâ tơniăn khu pêi cheăng tơnêi têa ƀă troăng pơkuâ. Tâi tâng xo hnoăng liăn ngân Tơnêi têa châ 13.656 rơtal liăn, tâk 37,3% tâng pơchông ƀă pơchông roh kố, tung mê krê kong pơlê Bình Định veăng kum dâng 10.000 rơtal liăn.

Pêi lo liăn tê tơmeăm ngi kong têa ê kong pơlê châ 1,686 rơtal dolar, tâk lối 21%. Pôa Phạm Anh Tuấn, Kăn hnê ngăn Vi ƀan kong pơlê pơkâ thế kal tơkŭm mơdêk xúa kŏng ngê̆ pơkuâ, tơniăn mâu pơkâ cheăng kâ - rêh ối pơlê pơla châ pêi pro châ tơƀrê ing râ kong pơlê troh cheăm. Kăn pơkuâ mâu kơvâ thế chiu pôu râng hnoăng cheăng tơdrêng ‘na tơdroăng châ tơƀrê rêm kơvâ cheăng, tơdrêng amê hnê mơhno inhên troăng pêi pro hnoăng cheăng ăm kong pơlê, tơxâng pơkâ mơnhông cheăng kâ-rêh ối pơlê pơla ƀă kum ăm kuăn pơlê.