Kơvâ ngăn ‘na Chiâk deăng ƀă Hyôh kong prâi Dak Lak ‘mâi mơnhông mâu kăn bô̆ cheăng rak ngăn
Thứ hai, 10:00, 07/07/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Khu xiâm ngăn ‘na Chiâk deăng ƀă Hyôh kong prâi kong pơlê Dak Lak tơkŭm po hôp tơbleăng pơkâ dêi Hô̆i đong kuăn pơlê kong pơlê ƀă Pơkâ dêi Vi ƀan kuăn pơlê dêi kong pơlê ‘na tơdroăng mơjiâng, tơkŭm cheăng, hlối tơbleăng mâu pơkâ rah xo kăn ƀô̆ xiâm.
Tiô pơkâ, Khu xiâm ngăn pêi chiâk ƀă Hyôh kong prâi Dak Lak ai khu Kăn mê cho: 1 ngế pơkuâ ƀă 8 ngế Phŏ pơkuâ, 4 bơrô cheăng tro kơvâ, 9 tíu pêi cheăng tung khu ƀă 19 tíu pêi cheăng ƀă liăn ‘măn kơdĭng Kring vế, mơnhông pêt kong ƀă Hyôh kong prâi, Ƀơrô xing xoăng Thôn pơlê nếo. A rôh hôp, kăn hnê ngăn hiăng pơcháu pơkâ pôk ngế pơkuâ, phŏ pơkuâ mâu ƀơrô, tíu pêi cheăng vâ ‘mâi mơnhông mâu kăn pêi cheăng, tơniăn pêi tro mâu tơdroăng cheăng ki kal tung la ngiâ.
Pôa Nguyễn Minh Huấn - Ngế pơkuâ Khu xiâm ngăn pêi chiâk ƀă Hyôh kong prâi Dak Lak tối nhên thế pơ’lêh nếo tuăn tơmiât, troăng hơlâ pêi cheăng, séa ngăn mâu tơdroăng cheăng, tơdroăng pơkâ ki hên dêi kơvâ cheăng, mâu pơkâ, tơdroăng tơkêa bro vâ pêi pơtối tung la ngiâ.
Viết bình luận