VOV4.Bahnar - Tơ̆ plt Buôn Ma Thuột, Anih tơm vei lăng choh jang xa păng cham char jang hơdoi hăm Anih vei lăng kon pơlei dêh char Đắk Lắk pơgơ̆r hop akŏm atŏk tơiung Anih jang sầu riêng kơjăp ‘lơ̆ng, ƀât mă tơdrong tĕch sầu riêng tơ̆ teh đak đe oei tơƀâp lơ pơmat tat yoa ưh đei pơm lăp hăm dôm tơdrong hơgăt đơ̆ng teh đak răt iŏk tơmam.

VOV4.Bahnar - Ƀơ̆t anih choh jang xa tơ̆ Đắk Lắk pơma hơdrô̆ păng lơ̆m teh đak pơma atŭm oei tơjră hăm lơ tơdrong long nol găh tơmam rơgŏh ‘lơ̆ng păng nơ̆r athei tôch kơhret đơ̆ng anih tĕch mơdro tơ̆ teh đak đe, Khul jang ‘long Sầu riêng Đắk Lắk păng Anih tơchĕng hơlen khoa hŏk ki thuơ̆t chih jang, pơtăm ‘long Tây Nguyên ‘nao kĭ hla ar jang hơdoi đơ̆ng 2025–2030. Kŭm hăm ‘nŏh, anih choh jang xa tơ̆ tơring oei hơtŏk tơdtong jang hơdoi, pơm hơtŏk kơjă vă vei lăng tơmam ‘lơ̆ng vă tĕch mơdro, vă năm truh tơdrong choh jang xa rơgŏh ‘lơ̆ng, pơm lăp hăm tơdrong athei roi đunh roi kơhret đơ̆ng anih tĕch mơdro lơ̆m teh đak păng tơ̆ teh đak đe.

VOV4.Bahnar – ‘Năr (16/5), Anih vei lăng choh jang xa păng cham char Đắk Lắk pơgơ̆r Hop akŏm “Hơtŏk tơdrong vei lăng tơmam ‘lơ̆ng, vei lăng rơgŏh ăn tơmam xa; Trong jang pơm hơtŏk tơdrong ‘lơ̆ng ăn tơmam đơ̆ng choh jang xa, tơ̆r ‘long, ka hơdang tơ̆ dêh char”.

VOV4.Bahnar - Kơsơ̆ 'năr brei (15/5), tơ̆ pơlei tơm Kon Tum, Anih jang vei lăng kon pơlei dêh char Kon Tum pơgơ̆r Pơma đam khua hŏk hơnăn "Dôm tơdrong hơlen 'nao gah sâm Ngọc Linh – Đei Jơnei păng iŏk yua".

VOV4. Bahnar - Kơjă ka kao lơ̆m apŭng plĕnh teh tŏk măt kơtang, lpơ bơngai joăt jang sơkơ̆t hơdăh ‘nou jing jơ rơvơn vă tơdrong jang ka kao Việt Nam hơmet pơ ‘lơ̆ng păng atŏk tơ iung kơtang. Hăm dêh char Dak Lăk, tơdrong rơvơn sa roi ƀôh hơdăh hloh dơ̆ng mưh dêh char ‘nao tơgĕch rơvơn mơdro sa, mĭnh păh atŏk kơtang tơgoăt jang hơdoi păng jang kiơ̆ trong choh jang sa dăr, trŏ ƀlep hăm trong atŏk tơ iung choh jang sa chăl hle.

VOV4.Bahnar - Gơnang jên đơ̆ng tơdrong jang tơm kơ teh đak hơtŏk tơiung mŭk drăm, tơpôl tơ̆ tơring kon kông păng groi kông, trong jang rong rơmo vei pơlơh băl kiơ̆ grŭp unh hnam tơ̆ dêh char Gia Lai hơnhăk ba iŏk yoa ‘lơ̆ng đơ̆ng rŏng 2 sơnăm tơlĕch. Ưh khan lăp tơgŭm ăn kon pơlei pơm hơtŏk iŏk yoa đĕch, trong jang ‘nâu oei tơgop tơk tơiung jơhngơ̆m đon hơdrin jang tŏk klăih đơ̆ng dơnuh hin păng tơgŭm băl lơ̆m tơpôl dơ̆ng.

VOV4.Bahnar – Hăm tơdrong hơbuh pơrang jĭ, Anih jang vei lăng kon pơlei dêh char Đăk Lăk pơgơ̆r rim tơring, anih jang đei tơrĕk dah tenh kuăng tơlĕch dôm trong jang vă tang găn, păng hơmet pơrang Jĭ hăm kon tơrong, ier bip.

VOV4.Bahnar - Kơplăh dang ei, bơngai pơtăm ‘long vải tơ̆ Đắk Lắk oei mât lơ̆m pơyan phĕ plei hrôih.

VOV4.Bahnar – Đơ̆ng rŏng hloh 1 sơnăm tơlĕch pơm kiơ̆ tơchơ̆t đơ̆ng Tĭnh uy Kon Tum gah choh hơmet var pơgar, truh dang ei hlôi đei jê̆ 19.500 unh hnam kon pơlei lơ̆m dêh char vang pơm jang, lơ̆m noh đei hloh 16.500 unh hnam kon pơlei kon kông.

VOV4.Bahnar - Dôm sơnăm tơjê̆ âu, dêh char Đắk Lắk hơdrin hơtŏk tơdrong tơplih hăm kơmăy sô̆ lơ̆m tơdrong choh jang xa vă pơm hơtŏk iŏk yoa, jang đei tơmam ‘lơ̆ng, kĕ pơjei tơ̆ anih tĕch mơdro. ‘Nâu ưh khan lăp trong jang ưh kơ gơ̆h veh đĕch mă oei jing jơhngơ̆m pran tôch gĭt kăl vă tơgŭm jang hơtŏk tơiung choh jang xa kiơ̆ trong jang hăm kơmăy ‘nao, kơjăp ‘lơ̆ng.