Tơ̆ jơ sơng, Kơdră Quốc hội Trần Thanh Mẫn athei hơtŏk tơdrong pơgơ̆r ăn khul jang tih păng rim khul grŭp tơƀâp băl; hơtŏk tơdrong jang hơdoi, roi tơbăt dôm tơdrong kăl đơ̆ng 2 anih chih pơjing luơ̆t kơ 2 teh đak, mă loi ‘nŏh đơ̆ng dôm Anih jang kơ Quốc hội, dôm Grŭp ngĭ si jang tơbôl, đe ngĭ si oei mơlôh, ưh lăp găh dôm tơdrong ƀơm truh khôi luơ̆t, trong chĕp kơ̆l pơgơ̆r đĕch, mă oei hăm dôm tơdrong ƀơm truh plei teh, nhen tơplih hăm kơmăy sô̆, jang tŏk rơgŏh ‘lơ̆ng, tơjră hăm tŏ ‘mi kial tơplih.

Ƀar păh drơ̆ng nơ̆r hơnơ̆ng hơtŏk tơdrong jang hơdoi, hơmet kơjăp tơdrong pơvei păng hơnăp jang tơm đơ̆ng ASEAN, mă loi ‘nŏh lơ̆m dôm tơdrong tơ̆ tơring; jang hơdoi păng tơgŭm băl tơ̆ dôm Hop akŏm lơ̆m tơring păng apŭng plenh teh, mă loi ‘nŏh tơ̆ ASEAN, Liên hợp quốc, dôm Khul grŭp; dôm hop akŏm nghị viện lơ pang nhen Jơnŭm nghị viện dôm teh đak ASEAN (AIPA), Jơnŭm Nghị viện Apŭng plenh teh (IPU), Grŭp Nghị viện Châu Á - Thái Bình Dương (APPF).