Hop akŏm đei pơgơ̆r kơtă tơ̆ hơnih chô̆ pơdah phương Tuy Hòa, păng chô̆ pơdah kơtă truh dôm xah, phương: Đông Hoà, Sông Cầu, Tuy An Bắc, Phú Hoà 1, Tây Hoà, Sơn Hoà, Sông Hinh păng Đồng Xuân. Tơ̆ hop akŏm, bơngai jang tang măt ăn Kuôk hô̆i hlôi tơroi gah tơdrong Hop akŏm mă 9 ou ki. 'Măng hop akŏm hlôi hơlen lơ tơdrong tơchơ̆t hơtŏk mŭk drăm tơ-'ngla pơm tơm, tơplih kơmăi kơsô̆, khua hŏk kŏng ngê̆, pơtho pơhrăm, jang pơgang hơmet jĭ jăn, pơyua ăn tơpôl, tơgŭm ăn tơring kon pơlei kon kông păng groi kông, tơring sơlam teh – lơ̆m noh đei lơ tơdrong tơrĕk kơtă truh Đăk Lăk.

Kon pơlei băt hơdah sơnong jang đơ̆ng Kuôk hô̆i, atŭm hăm noh hơpơi 'meh Đăk Lăk dah hrôih đei trong hơtŏk tơ-iung 'nao đơ̆ng rŏng kơ tơmơ̆t hơdai, iŏk jang kiơ̆ um ai joh ayŏ Tây Nguyên să seng, tơguăt hăm tơdrong kăp gĭt kơ tơring dơsĭ tŏk bŏk, vă pơjing dêh char roi năr roi pơdrŏng 'lơ̆ng, tơdrong hơrih kon pơlei roi năr roi hơtŏk 'lơ̆ng.