Truh kơ ară anei čar Kon Tum mâo bi leh jih bruă prăp êmiêt kơ klei bi lông jih gưl 3 mâo mkŏ mjing mơ̆ng hrue 25-27/6 tinăp.  Klei bi lông jih gưl 3 thŭn anei čar Kon Tum mâo êbeh 5.300 čô nao bi lông. Kluôm čar mâo dăp leh 14 anôk bi lông hŏng 244 boh adŭ bi lông, lehanăn 28 boh adŭ dôk guôn. Êngao anăn, bruă sang hră mơar lehanăn bruă sang čư̆ êa alŭ wăl lŏ dăp thiăm 9 anôk bi lông mkăp pioh mkŏ mjing klei bi lông hŏng klei huĭdah mâo klei amâo mâo jăk mơ̆ng yan adiê.

Čiăng rơ̆ng kơ klei bi lông jih gưl 3 hŏng klei êđăp ênang, djŏ klei bhiăn, čar Kon Tum mâo tiŏ nao leh êbeh 1.200 knuă druh mnuih mă bruă kiă kriê klei bi lông, hlăm anăn mâo truh giăm 630 čô nai kiă kriê klei bi lông. Y Ngọc, K'iăng khua knơ̆ng bruă sang čư̆ êa čar, Khua kiă kriê bruă bi lông jih gưl 3 thŭn 2025 čar Kon Tum, brei thâo, Êpul kiă kriê srăng mâo bruă čuăn klă mngač truh hŏng grăp čô knuă druh, tơdah mâo hĕ klei amâo mâo jăk êjai bi lông, srăng mplĕ klei soh kơ diñu.