Lào Cai uô jông hâux lưv thoz huk, suô yêv cxuô zav khâuz hâur cxuô qơư đêx ntưk uô ntêx chêix ntux nas

          UB tỉnh Lào Cai chox kriê uô truôx jông luôs hâux lưv thoz huk thiêz suô yêv cxuô zav khâuz hâur cxuô qơư đêx ntưk, xưv bluô têx lênhx nênhs cxiv uô tsêr tar đêx, uô đêx ntưs tsi tâu, tsi taz por trâu têx qơư thêir đêx thiêz têx côngz tsinhx phax tar ar poz ntơưv têx ntus đêx…Chênhr zos li hêik co, tiv phaz hâur tỉnh tsênhv sik đros qênhz yuôx tas nro cxuô qơư đêx ntưk thiêz cxuô tus đêx, zos qênhz pov lênhx nênhs tưs uô ruôr hiêv tsik jông txos têx qơư đêx ntưk tsuv trâus xưv bluô zos đrêiv chêi têz qơưs tso tơưv. Lar heik zos têx thax tsav zôngx ziv trâus đêx nas ngaz hâur chêix ntux nas.

Ntơưv phường Nam Cường- tiv phaz nhoz qơư kis, muôx ntâu ntu buôk ciês tul niêv đêx Liêz, iz hâur têx thax tsav khênhr trâus đêx ngaz hâur 2 shông tror lok no, hâux lưv qênhz yuôx, seiz car tsênhv ciêr chênhr tâu krêz uô. Iz chas têx tul đêx lox, cxix luôk đêx zâu cux tâu tsov cưv krêz thôngz, taz por đêx ntưs tâu jông, tsi uô đêx ngaz thâuv ntux lok nas. Lok lênhx nênhs, 26/26 tuêv jênh phố puôr lênhx bax lưx lươngv seiz jor txix 15 txos 20 lênhx nênhs hâur iz tuêv. Pos Tạ Ngọc Hoa- Chủ tịch UB phường Nam Cường puz pâuz:“Sâuv thax tsav phường muôx tul đêx Cường Lỗ, ntêr muôx nhos 5 cei cêr, ntưs đhâu têx tuêv jênh phố. Chiê taz por đêx ntưs tâu jông, hâur yênhx quý, phường tsưr tsix qêz suô, krêz thôngz chiê đêx ntưs muk tâu. Đros co, phường tưz seiz shuôk cơ sở cxuô zav, tiv zix zos têx chuôz zênhx phưx vưv phax tar ntux nas li yêz gox đêx, yo phao….chiê chuv tôngv phax tar ntux nas”.

          Phường Âu Lâu- qơư muôx tul niêv đêx Liêz ntưs đhâu đros muôx têx tul đêx zâu li Đầm Mủ, Ngòi Lâu, cux zos tiv phaz yax six trâus đêx ngaz hâur cheix ntux nas, chính quyênx tiv phaz nhiv no tsênhv tsưr tsix krêz thôngz tul đêx ntơưv têx tul đêx zâu, njưs đêx cưx đês tso đêx hâur qơư tsôngv px nhoz uô nênhx. Zơưv Nguyễn Quốc Huy, Phưv Chủ tịch UB phường Âu Lâu, tỉnh Lào Cai puz pâuz:“Chiê chuv tôngv taz por tso tâu đêx hâur cheix ntux nas shông 2026, phường Âu Lâu chuôz tsar yax mông, cir ntơưr đros têx tsưr tsix, doanh nghiệp, ziv chuôz zis tsôngv px tsi uô tul tsi tar tul đêx ntưs. Đros co, pêz krêz uô hnuz thưr 7 đros tsôngv px, muk têx qơư njuôs xav muôx tox poz tar đêx ntưs qênhz yuôx, thôngx cxix phường chuôz tsar qênhz yuôx, pov nzor thiêz yưr lir têx uô cxâuv, uô zênhr shar txos côngz xưv phax tar ntux nas sâuv thax tsav”.

          Phường Văn Phú cux zos iz hâur têx tiv phaz nhoz Lào Cai khênhr trâus đêx ngaz hâur cheix ntux nas. Côngz xưv qênhz yuôx seiz car tâu krêz uô jông, muôx số laov cxix cxuô têx qơư đêx ntưs tsi tâu. Zuôr xar 28 cei cêr njưs tso đêx thiêz têx tul đêx zâu tâu qênhz yuôx, krêz thôngz uô ntêx thâuv txos cheix ntux lok nas.

          38 côngz tsinhx đêx liv, 6 luz pas tso đêx, 27 njưs tar đêx, 5 qơư grus đêx…cux tâu qênhz yuôx, ntâuk grê chiê taz por tso tâu đêx hâur cheix ntux nas. Tiv zix, phường cux chuôz tsar qênhz yuôx tsi chiê muôx têx qơư tso chuôz zênhx tar uô đêx ntưs tsi tâu hâur cheix ntux nas. Zơưv Bùi Ngọc Giang- Phưv Chủ tịch UB phường Văn Phú puz pâuz:“Pêz tror chuôz tsar qênhz yuôx cxix luôk njưs đêx sâuv thax tsav, tiv zix zos têx tul đêx ntưs iz ndis qơư tsôngv px nhoz uô nênhx; seiz shuôk, uô ntâuz ntơưr đros têx lênhx nênhs cxoz txưv uô zênhr shar txos njưs tso đêx; heik kriê, car chêx chiê đêx ntưs tâu. Thôngx cxix, chuôz tsar yax mông, heik kriê Chei njưs đêx cưx đês thiêz Chei đêx liv; tsưr tsix cir ntơưr tsi tso đêx ar, poz jêz, têx vuôz tsuôz kiês nênhs trâu hâur têx tul đêx. Đros co zos phuôx huiz tsôngv px nhoz tiv phaz li pưs txux seiz car chiê pov nzor, heik kriê têx hâux lưv uô cxâuv txos cxix luôk tso đêx”.

          Đros tỉnh li truôx siêz chox kriê, đros chính quyênx têx tiv phaz li sik côngv uô jông, đros tsôngv px li chuv tôngv sik côngv uô, njênhs njôngr cxix luôk tso đêx ntơưv Lào Cai zuôr hla đhâu iz cheix ntux nas tsi muôx yưv đêx ngaz, gôngr phenhv txu grês tsơưs têx trâus ruôr hiêv trâu tsôngv px hâur cheix ntux nas shông 2026./.

                                                                                                      Thừa Xuân-Txâur Vax cxeik nhênhv

Zôngx ziv huôv xênhz caz moz vưv hâur chêix yar ntux cuz sor

Trơưk Bôv Y têr hêik pâuz, tsuôk hâur 3 luz hli hâur shôngk shông 2026, tas nro têz qơưk tưz muôx 12 lênhx nênhs tuôs tiv moz vưv. Kror no tưz tsik zos hêik txos zav moz no kror phiv liv, riêz nênhs mak tsênhv puz pov muôx chôngz nênhs tsênhv tsik tâu sir jos phax tar jông caz moz vưv. Kror tsuv hêik, chor nênhs tuôx chơưv kho đhâu xav tiêk trâus cik caz maz tsar ndê, hok iz cxiê thax tsav qơư mak pov muôx caz moz nhoz chor tsiêx cxu.

Chor nênhs nhênhz chơưv hêik tiêk, iz hâur têx qir tiv chênhr uô trâu caz moz vưv cux tsênhv muôx zos cxax yuôx phax tar caz moz trâu chor đêr mir tsênhv tsik tâu uô ntov jông sâuv tas nro têz qơưk. Muôx têx ntu, thâuv iz cxiê thax tsav qơư cxax yuôx phax tar caz moz tâu muôx 90% ntâu mak tas nro têz qơưk nhiv kruôr cxax tâu muôx 50%. Kror no uô trâu uô trâu caz moz vưv zôngx ziv siz cik đêz đar thôngz đhâu thâux xa thiêz zuôr muôs chor tsiêx cxu nhoz cxuô thax tsav qơư.

                                                               Tsưr ziv paz phax tar tâu jông caz moz vưv

Hla trâu chêix ntux sor, zôngx ziv huôv xênhz moz vưv hax zav pov tsênhz đuô. Bác sĩ chuyên khoa I Bạch Thị Chính, Giám đốc Y khoa cxiv luôs cxax yuôx phax tar caz moz VNVC puz pâuz, hli 5 txos hli 8 yênhx shông tâu xav zos “chêix moz vưv”. Jêx tưv siêz uô trâu chor tsiêx cxu, tiv zix zos chor đêx mir muk lok ntâu đuô chiê zok nriêr nox thiêz đêx hâuk, đhâu co zôngx ziv uô tsar ndê huôv xênhz caz moz đuô.

Chêix ntux sor cux zos six hơưv muôx ntâu huôx tôngv đrâuv jôngr, du lịch thiêz uô si ntâu, njiz đros têx tsiêx cxu cux tsar ndê. Nhuôv zâu – chor nênhs zôngx ziv trâus saz – tsik so uô si ntơưv têx qơư muôx chor tsiêx cxu, zôngx ziv trâus chor tsiêx cxu tov.

Caz moz vưv iz kror phiv liv riêz nênhs, trơưk bác sĩ Bạch Thị Chính zos six hơưv vâuv caz moz zuôr truz ntêr txix oz pêz ciêz txos oz pêz shông, khov trâu qơư tsiêx cxu tov thiêz kror qơư trâus tov. Tsênhv tsênhz, tưz muôx tsik tsơưs lênhx nênhs xar tiêk trâus đêr mir-xav tas nro chor tsiêx zus hâur tsêr tov taz sik cux tso siêz thâuv sêiz pov chor tsiêx cxu co tsik uô li chak mak cux xav tiêk zuôr tsik cik tâu caz moz. Tsuôk zos thâuv chor tsiêx cxu tuôs, lơưr thiêx cxơưx thiêz tuôs muk cxax yuôx phax tar caz moz taz sik thâuv no mak tưz lis lơưv. Caz moz vưv tưz muôx nhoz hâur luz chêr thiêz ndê muk txos trâu têx hlưz hâu, tsik muôx yuôx lok sik tsưr ziv chiê chơưv kho cov jông, nênhs trâus moz xưk li zuôr huôv xênhz moz thiêz trâus tuôs.

Trơưk zơưv Nguyễn Đình Đảng, Chi cục tsar Chi cục Tu zus, Tsiêx đêx thiêz Thú y Hà Nội, tsưr ziv chiê phax tar moz vưv cux zos cxax yuôx phax tar caz moz trâu chor đêr, mir. Trơưk cui tênhv, thâuv chor đêx mir tâu cxax yuôx phax tar moz vưv tâu muôx 80% ntâu mak tâu xav zos uô tâu jông ngaz tuk lok phax tar caz moz. Taz sik, zơưv cux hêik mênhx tiêk, cxax yuôx phax moz xưz tsik tâu txâuk, nênhs zus tsuv sêz jor jông chor tsiêx zus, tsik tso tơưv ntâu đrâuv jôngr thiêz tso mak tsuv muôx lôngx kror ndâux ntơưv têx qơư công côngv.

Iz chas têx tsưr ziv phax tar trâu chor tsiêx cxu, hâux lưv uô cov huv zos thâuv trâus đêr, mir tov cux zos iz kror lok six zov chênhr. Sơưr đơưk tsuv nzuôr ciês qơư trâus tov txix đêx hur đros xaz phongx tsơưs tiv zix 15 phênhz, đhau co muôz nzuôr txix cồn lok sik cuô đêx i ốt. Zov chênhr tiv zix zos tsuv muk trâu têx qơưk y têr chiê tâu hêik kriê thiêz cxax yuôx phax tar caz moz cov sêi thiêz tsik zôngv yuôx chiê chơưv kho ntơưc tsêr./.

                                                                                                         Hanoimoi-Lik Thox cxêik nhênhv