Jabat akaok negar bahrau ba tabiak Bruk pandar di Akaok negar ka bruk ba tabiak 16 hukum bahrau hu Quoc hoi saong Uy mban Thuong vu Quoc hoi brei tapa. Brei thau dom bruk bahrau di Hukum pasiam, pabak dom kadha di Hukum Hinh su, Thuong tuong Lê Quốc Hùng, Thu truong Mentri Kong an brei thau: hukum hu klak bruk pamatai ngan haong 8 duas, piah ngak cambaih laih jalan ngak di Ndang ka bruk ngak siam jang bruk taong bhat, njauk haong hukum dunya urak ini. Njauk caik hatai sangka, dalam kadha patui ngak veik di hukum hu tacei ba langyah dom bruk karei ngan haong urang njauk taong bhat brei matai ka dom duas hu tayah klak bruk taong bhat brei matai dalam hukum dahlau harei 1 bilan 7 min oh ka ngak.

Hadei tuk TPHCM, tinh Binh Duong saong Ba Ria - Vung Tau pagam tame, jien tut ngan radaih oto pak baoh di rahra dua tinh klak hu salih, meng 1 trieu tagok 20 trieu dong. Dahlau di nan, tui hukum di Mentri Jien padai, meng harei 1 bilan 7, bhum 1 lac: Ban Ha Noi, TPHCM, jien brei tut ngan ngak harak, taka so radaih oto pajeng 9 urang tagok, kuhria gam radaih 4 baoh lac 20 trieu dong di bhum I.

Hadei tuk ramik jabat karja, taong abih hu 13 dac khu, hu ba tame ngak meng harei 1.7.2025, dalam nan hu: Cô Tô, Vân Đồn (Quang Ninh); Cát Hải, Bạch Long Vĩ (ban Hai Phong); Cồn Cỏ (Quang Tri); Lý Sơn (Quang Ngai); Hoàng Sa (ban raya Da Nang); Trường Sa (Khanh Hoa); Phú Quý (Lam Dong); Côn Đảo (Ban raya Ho Chi Minh); Phú Quốc, Kiên Hải, Thổ Chu (An Giang). Dac khu Trường Sa lac “dac khu biak hu makna” kayua labik hu makna di angaok tasik Bien Dong ngan haong 100 kaoh pulao, pathau ala tasik, ngak bruk hu makna - dang di gah pur abih saong gah pur meraong ar tasik Viet Nam.

Tinh Gia Lai ( birau) daok tacei ba ngak catang piah padang ngak dom danak dak hu makna praong dalam thun ini, pabak prein khang patagok kinh te - xa hoi anak tal. Ong Nguyen Tuan Thanh, Pho Akok Thuong truc UBND tinh Gia Lai ( birau) khan lac, tinh brei pataom tame, roh duah, pok tagok, ngak jalan mbak sumu pambuak 2 bhum Bình Định klak saong Gia Lai (meng dahlau)  piah peih praong taneh riya ngak mbang cakrok patagok birau saong buh jien tame ngak dom danak dak  ribong kraong praong di bhum taneh Gia Lai piah pabak bruk ngak tabiak kaya nong tui jalan pambak praong.  

Meng mon 0 tuk harei 3/7/2025, Harak mbao saong Papar sap, Papar binguk Tay Ninh hu salih angan dua kenh papar binguk daok papar riyak. Cambaih laih lac, kenh LA34 salih jeng TTV1 – TayNinhTV, daok kenh TTV11 hu salih jeng TTV2 – TayNinhTV. Bruk salih angan piah ngak jeng sa mbaok meta angan, gam haong nan brei mboh bruk paglaong asar siam asal kadha saong thaik thaot thuyen thong di tinh dalam tukvak patagok bahrau.

Nhat Ban pasang iek 12.000 gru pato ka bruk sa gru pato tieu hoc chap kareik kayua thaot binguk saong ba tagok mang rup saih di anek saih kumei. Ini lac sa dalam dom bruk kanjak jhak biak trak di gah pato saong megru di Nhat Ban, ngak ka manuac sia haduh hatai. Thi truong Nagoya - ong Ichiro Hirosawa khan lac karja ban padang kapol nyaom pasang eng dalam nan hu urang ilamo piah pasang iek taong abih kapol urang gru pato di dom sang bac di karja.

Dalam 6 bilan tapa, dom urang duas hu pambuak tal jru phil njauk kapul chuc nang Campuchia mek kareik jaik 13 ribau blaoh pataom mek 1,46 tan jru phil dom janih. Jaik abih dom janih jru phil pataom mek hu lac ketamin, jru lắc, heroine, jru phil janih patau saong jru phil janih asar, cocain…Tui hukum Campuchia, dom urang ngak chung hukum ikak pablei pajeng ba meng 80 gram jru phil ba tagok meda njauk kaoh duas daok guk luac rai.

Jabat y te Han Quoc taduan hu labaih 400 mbang urang njom dom janih ruak kayua langik pandiak kuhria meng kreh bilan 6, dalam nan hu 3 urang metai kayua pandiak. Tui yaok kuhria, dom urang abih prein kayua pandiak glong abih lac 52%, patui di nan lac pandiak dalam rup oh sumu gauk abih 20% saong dang dui handok labaih 14%. Tui jabat kuhria iek langik tasik, dalam 97 balai duk iek di dunya, hu tal 59  balai dut mboh pandiak yaok harei glong abih dalam bilan 6.