Di mbang nyaom biai ka sa di HĐ Bhap bini ban raya Ho Chi Minh mbang X rah tabiak bahrau ini, Akaok HĐ Bhap bini Ban raya Ho Chi Minh Võ Văn Minh, brei mboh bruk ramik radak jabat karja hu jalan ngak lac patagok prein ngak, glo akaok, abih tung tian di yaok urang jakar saong prein khang di kapul urang piah langyah dom asal kadha praong, hu jalan kuhria, cakrok ka bruk patagok di Ban raya, oh padeih bruk patagok kinh te - xa hoi saong paglaong raidiuk daok dang mbang ngui, hatai je di Rahra.

Dalam dom harei tapa, bhum palei karja dua pakat di  ban Can Tho ngak bruk abih hatai daong ka bhap bini. Muk Võ  Thị Thúy Băng, Pho Yam ndoc Pasak ngak bruk karja phuong Vị Tân khan lac, meng bruk ramik veik, jalan langyah bruk ngak, yaok bruk ngak hu ramik pasiam lagaih. Camereip daok gaok rilo kan kandah min peih tabiak bruk caong khin ka bruk ngak di karja duh ka bhap bini hu siam jang dalam tukvak birau.

HĐ Bhap bini tinh Vinh Long mbang X hu peih pakak mbang nyaom biai ka sa hadei tuk pagam. HĐ Bhap bini tinh Vinh Long hadei ramik saga dalam nan hu 148 urang jakar, dlaam nan hu 15 urang jakar lac urang bangsa takik. Akaok HĐ Bhap bini tinh Nguyễn Minh Dũng brei thau, bruk njauk hatai, je tame di Rahra saong bhap bini ngak mbang pablei salih, lac bruk rah tabiak dahlau biak hu makna piah urang jakar HĐ Bhap bini tinh Vinh Long dalam tukvak anak tal.

Tinh Lam Dong ngak siam bruk pasiam saong padang ngak birau hu labaih 2.000 baoh sang ka urang kathaot, baoh sang urang jaik kathaot. Oh lac ngak hu aval dahlau 2 bilan bo daok labaih 236 baoh sang dut saong tukvak ba tabiak. Danak dak ngak brei abih baoh sang oh daok taik tahak di tinh Lam Dong oh lac hu rilo baoh sang praong siam laneng lanoi, bo daok  pachreih yaok ribau baoh sang kathaot yam tapa kan kandah. Meng dom bhum palei daok rilo kan kandah tal dom bhum atah bayah, bhum ceik car gam jia hatai, gam hu sang daok pacang pandiak hajan sahaneng ngak mbang patagok raidiuk.

Tinh Dak Lak daok padang dom labik parang thaik nghe thuat, drap ar ilamo ngan haong 200 kadha brei mboh bruk pataom, sap adaoh ka “glai - tasik” yaih khan ka thaik thaot, ilamo, anek menuac, rahra di dak Lak. Ini lac bruk ngak salam uan bruk pagam tinh, iek praong bruk pambuak di glai Tay Nguyen saong tasik. Tapa nan daong yaih khan ilamo - langik tasik ceik glai di Dak Lak bahrau, paglaong ilamo khik ramik drap ar, pamedeih bruk hadah mbaok ka bhum palei.

Harei Quoc khanh Negar Mỹ (4/7) lac tukvak blei ndap nda, car rilo jien. Yau nan min, thun ini jien nan kuhria mboh dahlau trun takik anak dom bruk kuhria huac lam phat, jien je saong kurang kaya mbang dalam negar. Urak ini, dom janih ndap nda bhian takre yau rilo limo, ia tasau, soda, mbia, ndap ngak ahar…tagok yaom. Yau nan ye, bruk lạm phát ngak cuang kandah tal  bruk padeih harei negar di rahra My. Tapa roh duah di Lien ndoan pablei ndap nda  taneh ia Hoa Ky mboh lac beuk me-in sambai thun ini takik mbang akaok meti hadei tuk tagok glong di thun dahlau.

Rilo negar chau Au daok gaok ma-aom meng langik pandiak. Tui Jabat Langik Salih karei Copernicus, chau Au daok pandiak tagok samar abih dalam dunya. Kapul Kuhria langik Dunya jeng kakei caga “taong abih urang thei jeng mbuan gaok kanjah jhak” dalam mbang langik pandiak di akaok bilan pandiak ini. Tui dom urang ilamo, labaih sa meteh rahra chau Au mbuan gaok atau biak mbuan gaok duh hatai kayua langik pandiak.

Canh sat Mexico duah mboh 381 atau manuac metai pambuk dalam labik cuh di labik sa urang ngak po di gah Barak Mexico. Jabat Cong to vien bhum palei hu khan brei thau ka bruk nan, gam ndem lac ini bruk kayua ngak bruk oh caik hatai. Mexico lac taneh ia hu rilo kol kanjiak jhak sraw kadau meng rilo thun tapa ngak sraw ka gah phap y, lac gaok trak damah kayau hu biak rilo atau di urang metai cang langyah, kurang manuac ngak bruk saong kurang jien padai.