Rajaei bahrau ba tabiak Sarak ka bruk pilih ruah, pandar saong pasang iek urang jakar. Tui nan meng 1/7, pilih ruah urang jakar tapa bruk pilih ruah hu ngak karei ngan haong yaok kapul urang yau ye: Urang pagun sanya ngak halan hatian ngak bruk meng 5 thun ba tagok di bhum hu kein lagaih kinh te – xa hoi biak kan kandah; Urang bac tui sarak pilih ruah, hadei tuk tamat blaoh ka bruk ngak bhum palei ba nao bac meng dahlau; Sinh vien tamat blaoh naih joi, urang ilamo khoa hoc sit thun umo naih joi daok dalam urang ngak sarak dui pachreih, brei bruk ngak ka urang naih joi.

UBMT negar Viet Nam TPHCM birau padang tabiak hu 29 urang jakar. Ong Nguyễn Phước Lộc, Pho Bi thu Thanh uy, Akok UBMT negar Việt Nam TP.HCM khan lac: Mat tran daong kapol nyaom bhap bini TPHCM brei pambuak haong dom bruk dak padang Đảng saong padang karja, he thong chinh tri khang kajap; pambuak haong bruk jka ba bhap bini di Đảng, bhap bini ka karja, bangsa takik sang agama…Meng nan rik tame ngak brei khang kajap, dak padang bruk jum pataom bangsa, peih ngak dom asar kadha piah caga harak gar di Nyaom roya Mat tran saong dom kapol nyaom chinh tri xa hoi.

74 anek saih pakacah mbang ka 2 gaok kan kandah ka tukvak pakacah taong yaom prein bac mbang ka 2 meng blaoh, hu Dai hoc Negar Ban raya Ho Chi Minh brei pakacah karei di harei 13/7 anak tal. Dahlau nan, mbang pakacah taong yaom prein ngak mbang ka 2 hu padang di harei 1/6 meng blaoh, dom bruk kan kandah dalam ilamo ky thuat oh caong khin meng gah pasang iek pakacah rah tabiak di bilik pakacah taka 39 saong 42, daok dalam labik pakacah taka 17, Dai hoc Kong nghe Ban raya Ho Chi Minh. Kapul padang pakacah hu thau ka bruk ngak chung di drei, daong prein saong bayar jien gilac ka anek saih.

Hu taneh praong jaik 511,5 ribau hecta, tinh Dong Nai birau daok lac labik praong hu pala dom janaih phun kong nghiep dalam negar. Tinh Dong Nai birau hu padang dom bhum pala dom janih phun kong nghiep yau ye: cao su, pa-ok blait, amraik kalu, caphe… brei hu yaom glong, rilo baoh praong siam. Meng lagaih lac bhum taneh pala rilo janih phun ngak tabiak kaya kan, Dong Nai pachreih hu rilo kapol nyaom urang, doanh nghiep buh jien tame ngak mbang di gah khik ramik, ngak tabiak ndap nda pambuak haong bhum kaya tamo.

Ban Can Tho ba tabiak jalan peih ngak bruk pato megru, ka taong abih, pato akhar huroh ka urang praong thun umo saong jhul khang bruk neh rabha anek saih dalam pato megru tal thun 2030. Jalan ngak piah ka taong abih rahra dalam thun umo njep nao bac brei bac megru piah hu ilamo takik abih tui adat hukum saong hu Karja khik kajap kein lagaih piah ngak.

Mentri Quoc phong My khan lac dom mbang haok palaik mbom siuk di My ngak ka bruk vu khi hat nhan di Iran kadun veik jaik dua thun. Dahlau di nan, kapal ahaok di My taong tame 3 labik hat nhan di Iran tayak tayac abih. Yau nan min, Tong Yam ndoc Jabat nang luong nguyen tu dunya mboh lac Iran meda  pambuak veik dom bruk ngak kaya meda u-ra-ni dalam dom bilan anak tal.

Bol lin padam apui di Hy lap daok ngak bruk haong dom mbang apui khuah glai gam gam rah tabiak, di tanut njuel trak karei gauk. Apui khuah praong angaok kaoh pulao Crete ngak ka takik abih pak labik brei panduan nao daok labik karei saong ka ka rilo baoh sang njauk apui mbang. Hy Lap, negar bhian rah tabiak bruk apui khuah glai dalam bilan pandiak kayua langik pandiak, daok brei mboh dak harei dak rilo bruk apui khuah glai rah tabiak kayua bruk kanjah jhak di bruk langik salih karei.

Canh sat  Thổ Nhĩ Kỳ chap mek  825 kg heroin saong 30 urang tapa rilo mbang pagui mek, ralo di gah Meraong negar taneh ia ini. Daok di kreh chau A saong chau Au, Thổ Nhĩ Kỳ hu rilo kol kanjak jhak palih ruah ngak labik pajeng ba matuy tame chau Au./.