Kong an TPHCM birau padang 8 Kapol pasang iek 363 piah ngak bruk duah thau, pasang iek, khik brei salamat di bhum Binh Duong klak. Tui bruk ba tabiak dahlau, dom bol lin kong an pambuak gauk ngak bruk, duah thau bruk ngak di dom kol kanjiak jhak, dom bruk xa hoi, bruk sraw kadau, dom labik rilo bruk jhak, takik salamat jeng yau dom bruk suan hukum karei di kol kanjak jhak rah tabiak di dom jalan, bhum palei rah tabiak rilo bala. Meng nan, piah ngak brei takik bruk ngak suan hukum, khik kajap an ninh, chinh tri, salamat xa hoi dalam bhum ini.

Hu labaih 400 pandap OCOP meng 3 patuh tagok, Danak dak OCOP tinh Dong Nai daok peih tabiak rilo bruk lagaih piah cakrok patagok min jeng gaok oh  lac takik kan kandah. Sa dalam dom bruk caong khin ngak lac pablei sumu dom nda nda OCOP mai meng pasak tal dom xa, phuong, piah hu kein laba yau gauk di dom bhum palei. Ini lac bruk ngak hu mai meng tukvak ngak oh padeih suai lavik, meng bruk sahaneng, ngak siam bruk ngak tabiak kaya kan tal angan je. Tui nan brei mboh kaya OCOP di Dong Nai dak harei dak hu paglong, brei mboh angan je di darak pasar.

UBND tinh Ca Mau ba tabiak bruk ngak dahlau brei trun takik tathuak nerak sang camin gah khik iek tathuak nerak thun 2030. Dalam nan trun 18,3% thak nerak sang camin dut saong bruk kuhria mboh dahlau. Meyah hu bruk daong di dom taneh ia di dunya ka jien padai, kong nghe lagaih saong ginup, bruk trun tathuak nerak sang camin gah khik iek nerak meda tagok tal 63,5% dut saong bruk kuhria dahlau di nan. 

Urak ini di bilan paik baoh kayau di dom tinh gah Pei negar, bhum kreh negar, ba tal baoh kayua tame dom darak, sieu thi di TPHCM dak harei dak rilo gam pablei lap. Di dom darak meng kan mai di Ban raya HCM, baoh vai thieu pablei yaom 25.000 – 35.000 dong sa kilo. Chom chom 15.000 - 25.000 dong sa kilo, bơ yaom 20.000 – 25.000 dong sa kilo, kruac sành 5.000 – 7.000 dong sa kilo. Kapol njam patam baoh kayau Viet Nam khan lac, thun ini rilo baoh kayau brei rilo baoh. Yau nan min, pablei suai saong bruk pablei baoh durian tabiak negar langiu trun ngak ka yaom baoh ini pablei trun.

Sa bala angaok jalan mbak biak trak rah tabiak page ini tuk dua sruh radaih laneng ghe ndih peih haong gauk meng Ha Noi – TPHCM ginuh tame gauk. Tui gah kong an, tal labik jalan km 220+100 jalan peih trah samar Vĩnh Hảo - Phan Thiết, tapa xã Hàm Liêm, tỉnh Lâm Đồng radaih peih gah likuk thaok ginuk tame radaih peih dahlau anak. Ginuh tame biak khang ngak dua sruh radaih vaiy vang. Kong an khan lac hu 3 urang metai, rilo urang njauk rambuc  ba tame sang iek ruak da khoa Bình Thuan.

Meng akaok thun mbiah tal ini, Thai Lan hu labaih 13.000 mbang urang njom HIV birau. Njauk ndem tal, ralo lac dom urang nan meng dom kapol dam dara uranaih saong kayua ndih daok haong gauk oh njauk lagaih. Piah caga ka bruk nan, Metri Y te Cong cong Thai Lan pambuak haong dom labik  pato megru brei saoh oh mek jien bao cao su, pato padar bruk khik caga prein yawa gah metian anek saong peih pambak praong danak dak dut iek HIV. 

Sa bruk trak damak gah kaya mbang birau rah tabiak di ban Thiên Thủy, tỉnh Cam Túc, Trung Quốc, ngak manuac sia dalam negar ini haduh hatai. Labaih 200 uranaih mau giao duah mboh kaya njom chì hadei tuk mbang ahar yamen saong ahar tangei di sang bac. Canh sat chap mek urang dang kaok sang bac gam rilo urang pambak tal bruk nan. Sa video tavah meng camera an ninh mboh urang taneh mbang ka sang bac ini tuh asar ngak tagok sambo kanyik katam oh thau meng halei mai tame tapung piah ngak dom ahar nan. 

Roya San Fermin di ban Pamplona, Tây Ban Nha thun ini khan lac hu 8 urang metai kayua limo glai ginuk tame dalam harei roya kadua. Roya San Fermin pacheih yaok ribau tuai damuai yaok thun, min mbuan rah tabiak rilo bruk oh siam. Tui yaok kuhria mboh, takik abih lac 16 urang metai kuhria meng thun 1910, meng tuk kuhria veik hu manuac metai di bruk nan./.