Jabat ngak bruk di Po Negar pambuak bruk haong Mentri Cong an, Mentri Ngoại giao, Toa an bhap bini pakat glong birau ba tabiak Sarak ndac xa thun 2025 (diharei 2/9/2025) di Po Negar  CHXHCN Viet Nam. Tui nan, Po negar brei sarak ndac xa palao guk dahlau tukvak ka urang guk hu tukvak, guk luac rai di bingun pahadar 80 thun Harei Negar CHXHCN Viet Nam. Brei ndac xa hu urang daok guk tui tukvak, urang guk luac rai brei trun tukvak, urang brei padeih daok guk.

Kapol urang lambaok  Quoc hoi Ban Can Tho birau taom gaok cu tri xa Vĩnh Hải. Di var taom gaok nan, rilo urang cu tri, dalam nan lac urang bangsa Khmer caong khin Ban Can Tho birau  brei sangka patagok kinh te bhum tapen tasik, jalan mbak nao mai dalam bhum palei, duah bruk ngak, parilo jien mek tame, paglong raidiuk; khik ramik patagok ilamo di urang bangsa takik. Ong Lam Minh Hải, cu tri xa Vĩnh Hải sahaneng lac, Ban Can Tho birau brei patui veik sarak daong brei cak rok patagok bruk ngak mbang gah tasik saong sirah rivang yulit di bhum palei.

Rayo sap ndem Viet Nam jabat ngak bruk di Ban raya HCM birau nao rivang, alin pandap ka bhap bini saong anek saih palei Bình Hòa, xã Bắc Bình, tỉnh Lâm Đồng. Dalam nan hu alin brei 15 paok jien bac, yaok paok 1 trieu dong gam haong kaya ndap nda  piah bac da-a ka dom anek saih raidiuk kan kandah gam rilo kaya karei ka dom po sang kuhria abih tih tui jien labaih 25 trieu dong. Palei Bình Hòa hu 333 baoh sang urang bangsa Cam agama Bani Awal. Bruk ngak mbang di mikva pak ini pambak tame bruk ngak hamu puh  saong raong glang athur.

Phường Bình Dương, TP HCM hu taneh praong labaih 58 km2, hu pagam tame dom phuong Phú Mỹ, Phú Tân saong Hòa Phú di TP Thu Dau Mot saong phuong  Phú Chánh, Ban Tan Uyen, tinh Binh Duong klak. Ong Võ Chí Thành, Akok UBND phuong Binh Duong khan lac, Phuong ini hu 8 khu cum kong nghiep caong khin hu jeng sa do thi ngak dahlau dalam bruk cakrok patagok khang kajap, hu jeng phuong kieu mau di Ban raya HCM. Labik ini rilo lagaih hu Pasak Pablei salih pakat Dunya WTC saong dom jabat karja di labik kreh tinh Binh Duong klak…

Urang ngak nong di bhum pala rilo manaih Cầu Đúc, Ban Cần Thơ chreih  chrai kayua yaom manaih tuk halei jeng hu yaom glong tani tanat. Urak ini, yaom manaih meng 8.000 tal 10.000  dong sa baoh janih (baoh praong trak 1 kilo tagok). Kuhria rah tapa 1 hecta manaih, yaok thun urang ngak nong  meda paik hu 15.000 - 20.000 baoh. Yau nan, yaok thun urang pala manaih Cầu Đúc duah jien tame hu labaih 100 trieu dong sa hecta.

Dom mbang tamuh jit ruak laka cambuai tapaoh kakau di Nam Phi ngak ka yaom ralaow limo  di dom ban praong tagok meng 15 tal 25%, gaok labik darak pasar daok kurang rilo pablei. Dom kapol nyaom raong glang di Nam Phi kakei lac, meyah jit ruak dak dui atah tal bilan 8 anak tal, gah raong glang limo sik ngak rilo di taneh ia ini meda dang anak bruk kan kandah trak kuhria dalam 10 thun tapa.

Pandiak di pasak Tokyo yam tapa 35 0C di harei kabroi 7/7, brei  bih harei biak pandiak akaok meti di ban ine Nhat Ban dalam thun ini. Abih harei, Nhat Ban brei panuac ka bruk pandiak catang di 30 dalam abih tih 47  tinh lac langik pandiak glong abih kuhria meng akaok thun mai, hadei bilan 6 langik pandiak glong. Karja iew bhap bini brei peih mac ngak la-ar ka njauk lagaih saong menyum ginup ia piah plaik abih prein.

Hu 33 tinh di negar Thái Lan daok dang anak bruk tabung glong tuk rajaei tabiak panuac brei hu dom jalan pacang caga samar  ka ribuk ia sua saong glut jaleih taneh  kan thau dahlau. Dom labik meda ia ribuk dauk catuak, ia dang kandong di labik dhong atau dom bruk karei tuk dom  binek ia tapa 80% prein padang ia saong ia kraong Mekong tagok samar. Dom labik sirah rivang ma-in yulit yau ia jrai saong dom bruk rivang ma-in brei tui iek tani tanat kareih pabah mbang chip tuk bala mbon rah tabiak./.