So Y te TP.Ho Chi Minh birau iew taong abih dom labik iek ruak di karja saong urang ngak mbang, labik pablei jru, dom labik pablei salih jru cavao di Ban raya brei pasang iek taong abih dom angan jru daok pablei, abih di nyu lac pataom tame dom ndap nda mbuan ngak ja atau oh thau meng halei mai. Dahlau di nan, Kong an Ban raya taong tayah dom kapol nyaom ngak tabiak saong pablei dom janih ndap ja, dalam nan hu dom janih yau ye menyek Con Ó mek angan "Eagle Brand Medicated Oil", kem ngak mekre Thái Lan, menyek Ong taha Thai Lan menyek galung Han Quoc…

HĐND tinh Dong Nai mbang X birau pasang iek, brei tapa 18 sarak, dalam nan hu dom sarak hu makna praong dalam ka bruk ngak kinh te - xa hoi. Tui nan, HĐND tỉnh  brei tapa Sarak ka bruk brei pandar glai tapa ngak bruk karei ngan haong 4 danak dak. Dalam nan, salih labaih 106 ha glai pacang caga di xã Xuân Lộc ngak danak dak Yulit sinh thai, padeih padei, ma-in ceik Chứa Chan.

Hadei labaih sa adit tame ngak bruk, bruk langyah harak gal di dom xa, phuong di tinh Lam Dong ngak bruk luac tukvak, pabak duh bruk daong bhap bini. Tui So Noi vu tỉnh Lam Dong, kuhria meng harei 1 bilan 7, yaok harei  hu labaih 1.000 ho so hu payua mai tapak saong harak online di dom jabat, don vi cang langyah. Lam Dong hu taong yaom lac sa dalam lime bhum palei ba kaok dalam negar hu taduan, langyah siam harak gal ho so karja dalam dom harei ngak bruk di karja dua pakat.

Tapa 4 harei akaok meti ngak bruk di karja dua 2 pakat, Pasak ngak bruk karja ndac khu Phu Quoc, tinh An Giang taduan hu labiah 2.800 mbang bhap bini mai ngak bruk. Kuhria rah tapa yaok harei hu labaih 700 mbang urang mai ngak bruk. Kayua bhap bini dom xã, phuong dahlau diah daok atah Pasak Ngak bruk karja yau nan ye Phu Quoc brei hu 7 labik ngak bruk karja di dom xa, phuong klak hu lagaih duh ka bhap bini.

Tinh An Giang ngak hu salah blaoh vaktu ka 1 dalam tuk pandang ngak harak gak ho so  likau brei angan Labik inem krung meng kan Óc Eo - Ba Thê tỉnh An Giang tagok UNESCO piah taduan lac Drap ar ilamo dunya. Pho Akok UBND tinh An Giang Lê Trung Hồ  caong khin, Mban khik iek Labik inem krung meng kan Óc Eo, dom so, dom mban, dom gah dalam tinh brei sangka veik, jhul pakhang jang bruk hu makna praong dalam bruk ngak harak gal ho so ka Labik inem krung meng kan Óc Eo – Ba The pok tagok UNESCO taduan brei angan Drap ar ilamo dunya, brei mboh ini lac bruk ngak chinh tri, meng nan kham ngak siam jang.

Tong thong Donald Trump khan lac brei padeih tuvak kak jien je ngan haong dom taneh ia ngak mbang haong My hadei harei 1 bilan 8 anak tal. Angaok mang xa hoi TruthSocial, Tong thong My lac, hadei tuk payua harak thư ka bruk kak jien je birau ngan haong dom gah pablei salih, Mỹ mek jien je meng harei 1 bilan 8. Ini lac harei puac abih oh salih karei.

Labaih 250 trieu urang ngak di An Do - sumu labaih 1 dalam 5 binah bhap bini taneh ia ini, tui kuhria mboh dahlau bruk ndok padeih bruk dalam negar dalam harei ini 9/7, piah cagar veik bruk urang po dom doanh nghiep karja, meblah bruk ngak mbang ia hauk di urang ngak saong dak harei dak rilo urang tui sarak ngak bruk. Bruk ndok padeih bruk kayua sa nyaom biai di 10 kong ndoan pakat negar peih ngak.

Urang jakar Iran birau khan brei thau taka so birau ka bruk metai lahik kayua chien dich pasram lin dui atah 12 harei di Israel tame Iran meng bilan 6 meng blaoh. Tui nan, dom urang metai rilo jang 1.000 urang, glong rilo mbang urang metai blaoh kayua rilo mbang patuh phao  di Iran tame Israel. Dalam tuk nan, peih ngak adat quyen anek manuac hu jabat ngak bruk di My kuhria mboh labaih 1.190 urang Iran metai dalam mbang 12 harei mesruh metah haong Israel./.