Hok mơ-ak hăng tơlơi truh kih mơng jơnum lok 9, Khua pơ ala mơnuih ƀôn sang dêh čar tal XV, tlam mơmŏt lơ 26/6, Jơnum min apăn bruă Khua pơ ala mơnuih ƀôn sang pơphun jơnum klah čun hăng jao pri pơčeh tơlơi adôh pơpŭ Khua pơ ala mơnuih ƀôn sang dêh čar hăng Jơnum min pơ ala mơnuih ƀôn sang. Khua git gai pơ ala mơnuih ƀôn sang dêh čar ơi Trần Thanh Mẫn nao ngă lơphet. Tơdơi kơ rơbêh 10 thun pơphun (dong mơng lơ 27/2/2024 truh lơ 10/12/2024), Khul pơphun hơmâo tŭ mă 672 tơlơi adôh hơmâo pơčeh hăng abih pran jua mơng giăm 400 čô mơnuih pơčeh tơlơi adôh amăng đơ đam dêh čar.

Hơdôm tơlơi adôh ƀu djơ̆ kơnong kiăo tui giăm tơlơi rơkâo đôč ôh mơ̆ ăt hơmâo yŭ adôh djop mơta hăng tơlơi adôh pơƀuh rup rap, pơdah dơlăm tơlơi gơgrong mơng Khua pơ ala mơnuih ƀôn sang dêh čar hăng Jơnum min pơ ala mơnuih ƀôn sang amăng bruă pơjing Kơnuk kơna phiah phiăn xã hội chủ nghĩa kơ mơng mơnuih ƀôn sang, yua mơnuih ƀôn sang. Hơdôm yŭ adôh prong kơtang, ba blai tơlơi pơ-ư ang hăng tơlơi đăo gơnang mơng mơnuih ƀôn sang kơ Khua pơ ala mơnuih ƀôn sang dêh čar Việt Nam hăng ƀing pơ ala mơnuih ƀôn sang. Khul pơphun hơmâo jao 5 pri B, 9 pri C, 19 pri pơsur pran brơi ƀing pơčeh tơlơi adôh.