
Anai jing gru yôm biă mă amăng hrơi blan pơplih phrâo anom bruă kơnuk kơna. Hrơi tom brơi, 30/6, dêh čar ta ha amăng plĕ lăi pơthâo hơdôm tơlơi pơtrun mơ̆ng Kơnuk kơna hăng tơring čar ƀôn prong kơ bruă pơmut hrŏm gong gai tơring čar, să, akŏ pơdong khul grup ping gah, jao bruă kơ ping gah, Jơnum min pơ ala mơnuih ƀôn sang, Jơnum min mơnuih ƀôn sang, Jơnum min djŏp djuai ania mơnuih mơnam tơring čar, ƀôn prong, să, phường, kual phara hơjăn, kiăng hrơi anai lơ 1/7 mă yua sit nik gong gai dua gưl.

Nao sem lăng hơbô̆ bruă gong gai dua gưl ƀơi ƀôn prong Hồ Chí Minh, Khua git gai Ping gah ơi Tô Lâm lăi, tơlơi gơñăm nao prong hloh mơ̆ng gong gai phrâo lĕ yua kơ tơlơi đĭ kyar tañ, hơđong kjăp mơ̆ng lŏn ia mơ̆ng ƀôn prong hăng lăng ba klă hloh tơlơi hơdip mơnuih ƀôn sang. Akŏ pơdong gong gai ngă bruă hơdeč hmar, hơbôt, tŭ yua, pơplih mơ̆ng wai lăng dŏ tơguan jing wai lăng rơgơi bơwih brơi mơnuih ƀôn sang, gong gai yua kơ mơnuih ƀôn sang, bơwih brơi mơnuih ƀôn sang kiăng đĭ kyar hăng rơgơi mơbruă đah mơ̆ng dưi pok pơhai tŭ yua djŏp tơlơi pơtrun mơ̆ng Ping gah mut amăng tơlơi hơdip mơda, yua kơ tơlơi đĭ kyar hrŏm mơ̆ng lŏn ia.
Viết bình luận