Ƀơi mông ngă bruă, Khua ding jum bruă čar yă Phạm Thị Thanh Trà hơmâo lăi pơthâo, Khua dêh čar ơi Phạm Minh Chính hơmâo brơi hră pơ-ar jao bruă hăng ruah ơi Trần Đức Thắng, Khua ping gah tơring čar Hải Dương ngă Kơ-iăng khua pel ĕp kơđi tơlơi Kơnuk kơna; ơi Hồ Văn Niên, Khua ping gah tơring čar Gia Lai, ngă Kơ-iăng khua Ding jum djuai ania hăng tơlơi đăo.

Pơhiăp ƀơi mông čơkă bruă mă phrâo, ơi Trần Đức Thắng hăng ơi Hồ Văn Niên bơni biă mă kơ Ding jum Kơđi čar, Khul khua git gai Ping gah, khua mua mơ̆ng Ping gah, Kơnuk kơna đăo kơnang, jao bruă kơ ƀing gơñu; lăi pơtŏng bruă hơmâo jao, ruah ngă khua hăng bruă mă phrâo jing tơlơi pơ-ư ang prong biă mă, laih dong ăt jing tơlơi gơgrong bruă dlăm mơ̆ng ƀing ñu amăng bruă mă pơ anăp; pơsit amra gir run hloh hăng čang rơmang hơmâo tơlơi lăng ba, git gai mơ̆ng ƀing khua prong, tơlơi ngă hrŏm mơ̆ng hơdôm anom bruă đah mơ̆ng dưi ngă klă djŏp bruă hơmâo jao./.