Bơ ră ruai hăng ƀing khua mua, mơnuih apăn bruă ƀơi sang bruă pơsir hră pơar kơnuk kơna, Khua git gai pơ ala mơnuih ƀôn sang dêh čar lăi pơtong, jơlan hơdră mơ̆ng Gơnong dlông lơ̆m brơi dăp glăi sang bruă gưl tơring čar, gưl să, ngă tui hơbô̆ bruă kơnuk kơna 2 gưl, kiăng jĕ giăm ană plơi pla, thâo hluh ană plơi pla, pơsir hră pơar hmar hloh, hơbôt, mơ̆ng anun, mơnuih ƀôn sang hơđong pran jua, pơsir djop mơta hră pơar tañ, tong ten lăp pran jua ană plơi pla, pơđĭ tui tơlơi đăo kơnang kơ Ping gah, kơnuk kơna ngă bruă bơwih brơi kơ mơnuih ƀôn sang.

Mă bruă hăng khua mua ƀôn prong Cần Thơ tơdơi kơ ĕp lăng bruă mă sit nik, ơi Trần Thanh Mẫn lăi, kơ bruă ba yua kông ngăn, pơpha dram gơnam kơnuk kơna, djop sang bruă, ăt pơpha mă bruă ƀơi djop sang bruă mơ̆ng hlâo, črăn hlăk dăp glăi, pơphun bruă mă kiăng wai lăng amăng bruă kơnuk kơna gêh găl, pơhrŏ ƀiă tơlơi rô nao rai, anih dŏ, tơlơi dŏ dong ƀong huă mơ̆ng ƀing apăn bruă; ƀu ngă bơbeč djơ̆ tơnap, tơ̆i đưn amăng bruă mă pơsir anŏ kiăng mơ̆ng mơnuih ƀôn sang.