Khua dêh čar: Akŏ pơjing ƀôn prong Hải Phòng (phrâo) hăng hơdôm tơlơi bơwih ƀong phun hăng lu gơnong bruă, pơplih phrâo, bơkơtưn amăng rŏng lŏn tơnah
Thứ ba, 09:05, 01/07/2025
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah (30/6) ƀơi ƀôn prong Hải Phòng, Khua dêh car ơi Phạm Minh Chính nao ngă lơphet lăi pơthâo tơlơi pơtrun pơsit mơng gơnong glông hăng ƀon lan kơ bruă pơmut anih anom mă bruă gưl tơring čar, gưl să, pơđut hĭ mă bruă hăng anih anom gưl tơring glông, akŏ pơjing khul Ping gah, dưm dăp gưl Ping gah, Jơnum min pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam Việt Nam ƀôn prong, să, phường, kual bơwih ƀong phara.
Ƀôn prong Hải Phòng (phrâo) hơmâo akŏ pơjing hluai tui bruă dưm dăp đơ đam kual lŏn mơnai, mrô mơnuih mơng ƀôn prong Hải Phòng hăng tơring čar Hải Dương. Khua dêh čar brơi thâo, tơlơi yôm phun anai pok pơphun brơi sa rơwang pơđĭ kyar phrâo hơmâo lu tơnap tap hăng tơlơi lông.
Kiăng ba ƀôn prong Hải Phòng phrâo tơdơi kơ pơmut hrŏm jing anih phun bơwih ƀong huă, sĭ mơdrô, bơwih brơi bruă kơđi čar, gru grua, boh thâo măi mok phun, pơhlôm kjăp amăng wai pơgang rơnuk rơnua, rơkâo gir run kơtang, prong ƀiă dong, ngă bruă khut khăt, gum pơgôp, mut hrom kah mơng dưi ngă djơ̆ hơnong pơkă anai.
Viết bình luận