Tơlơi mă bruă tơpă, tañ hăng ba glăi bôh tơhnal yak blung a amăng pơsir hră pơ-ar. Mơnuih ƀôn sang mơ-ak, gong gai gơgrong hlâo, prăp lui kơ hrơi mă bruă sit nik mơ̆ng lơ 1/7. Ƀơi anom bruă sa bah amăng phường Ea Kao, pơmut hrŏm mơ̆ng să Ea Kao hăng phường Ea Tam, khă hmâo lu mơnuih ƀôn sang nao ngă hră pơ-ar, hơdôm anih tŭ jum, pơsir hră pơ-ar mă bruă hruaih; hơdôm mơta hră pơ-ar dưi pơsir rơguăt hăng pran jua mă bruă hreč.

Ƀơi phường Thành Nhất phrâo, bruă đuăi lông lăng hơdră ăt pơphun hruaih mơn. Mơnuih ƀôn sang mơ-ak biă lơm ƀuh hơdôm tơlơi pơplih rơđah amăng hơdră mă bruă hăng bôh tŭ yua pơsir bruă mă. Hrŏm hăng plơi prong Buôn Ma Thuột, hơdră să gah tơring čar ăt dưi lông lăng mơn ƀơi hơdôm bôh tơring glông mơ̆ng Dak Lak, djru mơnuih ƀôn sang gêh gal ngă tui hơdôm mơta hră pơ-ar./.