Tơdơi kơ dưm dăp, tơring čar Dak Lak hmâo lŏn prong rơbêh kơ 18.000 km2, mrô mơnuih ƀôn sang lĕ 3.346.853 čô mơnuih. Ơi Nguyễn Đình Trung, Ding kơna git gai Ping gah dêh čar dưi ruah ngă Khua git gai Ping gah tơring čar Dak Lak, ơi Tạ Anh Tuấn dưi ruah ngă Khua Jơnum min mơnuih ƀôn sang tơring čar Dak Lak.

Jao Tơlơi pơsit pơdŏng tơring čar phrâo hăng pơhiăp črâo ba amăng mông ngă lơphet, ơi Lê Hoài Trung, Ding kơna git gai Ping gah dêh čar, Khua Anom bruă Ping gah dêh čar pơtŏng sit: Hăng phiăn juăt gum hrŏm hơbit, pran gơgrong hăng pơplih phrâo, pơčeh phrâo ping gah, gong gai hăng mơnuih ƀôn sang djop djuai ania tơring čar Dak Lak hrŏm hăng tơlơi git gai kơjăp, tơlơi djru hmao tlôn mơ̆ng Ping gah dêh čar, ƀing ta amra ngă tui pran kơtang, ngă tui hơdôm bôh than dưi hmâo, kơjăp phik yak rơgao djop tơlơi tơnap, tơlơi lông. Sit ñu hơdôm tơhnal gal hăng tŭ yua mơ̆ng Dak Lak phrâo amra dưi ngă tui hăng hơdôm yak pơđi kyar kơtang ngă brơi Dak Lak hrưn đĭ, jing anih pơđĭ kyar hur har, hmâo bruă čung ba ƀơi kual Dap Kơdư hăng kơtuai hang ia rơsĭ Dơnung Tŏng Krah dêh čar./.