Mơguah lơ 30/6, ƀơi ƀôn prong Hồ Chí Minh hmâo pơphun ngă Lơphet lăi pơthâo hơdôm Tơlơi pơtrun pơsit, Tơlơi pơsit mơ̆ng dêh čar hăng tơring čar, ƀôn prong kơ pơmut hrŏm anom mă bruă čar gưl tơring čar, gưl să, pơđut bruă mă bruă čar gưl tơring glông, pơjing khul ping gah, ruah tơbiă gưl ping gah, khul pơ ala mơnuih ƀôn sang, jơnum min mơnuih ƀôn sang, jơnum min djop djuai ania mơnuih mơnam dêh čar Việt Nam ƀôn prong Hồ Chí Minh, să, phường, kual phun.

Ƀôn prong Hồ Chí Minh pok prong, amăng anun hmâo ƀôn prong Hồ Chí Minh, tơring čar Bình Dương hăng tơring čar Bà Rịa – Vũng Tàu. Amăng mông jơnum, Khua git gai Ping gah dêh čar ta ơi Tô Lâm hmâo jao laih tơlơi pơsit mơ̆ng Ding jum kơđi čar ruah ơi Nguyễn Văn Nên – ding kơna Ding jum kơđi čar, Khua git gai Ping gah ƀôn prong Hồ Chí Minh – ngă Khua git gai Ping gah ƀôn prong Hồ Chí Minh tơdơi kơ pơmut hrŏm. Hrŏm hăng anun Ding jum kơđi čar ruah 4 kơ-iăng khua git gai Ping gah ƀôn prong Hồ Chí Minh. Pơhiăp amăng mông ngă lơphet, Khua git gai Ping gah dêh čar ơi Tô Lâm pơtŏng sit, mông ngă lơphet ƀu kơnong kơ tơlơi jơnum gah bruă čar đôč ôh mơ̆, ñu dô̆ jing yak pơplih pô khom ngă, jing kiăng biă tơlơi tơpă mơ̆ng mơnuih ƀôn sang hăng lŏn ia amăng bruă pơjing hơdôm kual pơtrut pơđĭ kyar mơ̆ng lŏn ia hăng amăng kual, kiăng djơ̆ tui tơlơi čang rơmang “Việt Nam sông kơtang amăng thun 2024”./.