
Đơs tàm dơ̆ đơng lam Pơrjum, Củ tịc lơgar ồng Lương Cường đơs tờm tàm bơta gùt lơgar gam lơh jăt ală gùng dà broă lơh kwơ màng ngan bơtàu tơnguh dà lơgar, Ƀộ Kwang àng neh lam lài tàm broă lơh jăt Jơnau lơh nền tàm pơrjum Dà lơgar dê bè tơrmù di pal mpồl lơh broă; pơgồp bal niam mờ ală mpồl lơh broă, ală tiah nàng gàr kơl jăp lơngăp lơngai cíñ trị mpồl bơtiàn.

Củ tịc lơgar ồng Lương Cường sồr Ƀộ Kwang àng git ală bơta gơlik geh, di tŭ pơlam ală gùng dà broă lơh di pal, bơsong bơh gờñ, bơh ngài ală nùs nhơm ờ niam, broă tam dră bal mờ ală bơta kal ke gơlik geh, tơrgùm kơrian ală cau tìs, bơta ờ niam mpồl bơtiàn, tàm hơ̆ uă ngan là cau tìs bè tiah kis, kloh niam phan sa, phan ờ ngan, phan ờ niam, cau tìs ma túy mờ cau tìs ngui măi mok pa, lơh di tơngai kơnòl broă lơh anih tờm ală jơnau yal tơnggĭt dà lơgar, ngan là bañ lời gơtìp koh gơl, gơkòl broă, bañ lời gời, bañ lời geh ală tiah cau tìs lơh broă.
Viết bình luận