Tàm dar pơrjum, bơh cribơyai, Mpồl Sồr lơh ring bal sền wơl, bơh bồ nam tus tŭ do, bulah pal tơrgùm đơng lam, sồr lơh, lơh jat dồ dơ̆ bal uă kơnòl broă kwơ màng, jal mhar, cèng bơta kwơ màng, is ồn là lơh sir rơndăp tăp sèng, tơrmù di pal mpồl lơh broă, mơya mờ bơta mut lơh bal bơh jơh ală anih lơh broă cíñ trị, bơta đơng lam, sồr lơh kràñ ngan, kràñ cê jơh nùs bơh Dà lơgar, Ƀộ Cíñ trị, Ƀan Ƀí thư bơh Tổng Ƀí thư ồng Tô Lâm-Lam bồ Mpồl Sồr lơh, bal mờ bơta pơnđơl pràn lơh ngan bơh ală anih lơh broă geh gơnoar, broă lơh rcang lài kơryan sa kuề sa kuà, pơhì pơhà mờ bơta ờ niam pơn jat tai geh lam lơh kràñ cê jơh nùs, niam ngan mờ uă broă lơh pa, kràñ mờ loh làng, nùs nhơm niam kòn bơnus, geh bơta pin dờn.

Mờ broă lơh rcang, kơryan sa kuề sa kuà, pơhì pơhà mờ bơta ờ niam cèng wơl cồng nha loh làng, ngai sơlơ lơh geh niam rlau tai jơnau sồr broă lơh bơt bơtàu Đảng, ală anih lơh broă cíñ trị mờ jơnau kờñ sơlơ tơnguh tai bơtàu tơnguh lơh sa- mpồl bơtiàn, gơguh lơh sa 8% tàm nam do mờ gơguh lơh sa 2 khà sồ tàm ală nam pơn jat tai.