6 nhai do, broă lơh rơcăng, kơryan pơhì pơhà geh sồr lơh lơh pràn, gơ jăt bal mờ ai niam priă jền, drơng bơtàu tơngguh lơh sa- mpồl bơtiàn. Cíñ phủ, ală ƀộ, gah, ƀòn lơgar neh tơrgùm sồr kờp sền nền wơl, tă bơsong kal ke, gơkòl, bơsong ală rơndăp broă lơh, broă bơ̆t bơtàu lơyài tơngai hơ lơh, gam gơkòl jŏ jòng, cồng nha dồ êt. Ală anih lơh broă geh gơnoar neh tơrgùm lòt sền, lùp sền, lùp kờp, bơsong jơh ală dơ̆ lơh tìs, dơ̆ broă sa kwề sa kwà, pơhì pơhà, bơta ờ niam kơn jơ̆.

Bơh lùp sền, kờp sền priă jền tă ngui neh dan toh wơl, bơsong priă jền rlau 9 rbô 500 tơmàn mờ 600 lồ ù; jun anih lơh broă lùp khàu 28 dơ̆ broă. Tơngai tus, broă lơh rơcăng kơryan sa kwề sa kwà, pơhì pơhà pơn jăt tai lam lơh jăt pràn kơldang, kràñ cê jơh nùs, geh cồng nha rlau tai, lơh sir ală kơnòl broă jăt Broă lơh lơh broă nam 2025 mờ ală jơnau đơs pơndŭt bơh Tổng Ƀí thư ồng Tô Lâm dê. Dar pơrjum kung ring bal ai 4 dơ̆ lơh tìs mờ 2 dơ̆ broă tơmŭt tàm dơ̆ broă Mpồl Sồr lơh jăt sền, sồr lơh.