
Chờ hờp wă rò cồng nha lơh geh bơh Dơ̆ pơrjum dơ̆ 09, Quôk hội khoă XV dê, mho mang 26/06, Anih duh broă Lơh kơnòl broă sùm Quôk hội neh bơyai lơh Dơ̆ Tơn jơh mờ Jàu khà jờng Dơ̆ hòi jà bơceh cih jơnau đơs crih bè Quôk hội mờ Mpồl duh broă Làng bol. Củ tịc Quôk hội ồng Trần Thanh Mẫn tus bal Dơ̆ jàu khà.

Tơnơ̆ rlau 10 nhai hòi jà lam lơh (bơh ngai 27/02/2024 tus ngai 10/12/2024), Mpồl Bơyai lơh neh dờp 672 jơnau bơceh cih bềng bơta jơh nùs jơh tồr bơh mờr 400 nă cau chài bơceh jơnau đơs crih dê tus bơh làm bă tiah bơh Dà lơgar dê. Ală jơnau đơs crih ờ mìng cih di tơngume mờ gam rơ̆ ru bè gùng jơnau đơs crih bal mờ akhar đơs crih bềng rùp rào, tơnggŏ jrô ơnàng gơnoar broă Quôk hội mờ Mpồl duh broă Làng bol dê tàm broă lơh bơ̆t bơtàu Dà lơgar gơnoar kơrnoăt boh lam sàh hội củ nghĩa Làng bol dê, bơh Làng bol, tài Làng bol. Ală săp ntas gùng đơs crih khin cha dờng pràn, bềng bơta ngoh rơngăc neh yal wơl bơta pơnyờ să mờ bơta pin dờn Làng bol dê bè Quôk hội Việt Nam mờ ală cau ala măt làng bol dê pồ. Mpồl duh broă Sền swì lơh nền neh jàu 5 khà Ƀ, 9 khà C, 19 khà pơn jờng ai ală cau bơceh cih in.
Viết bình luận