Lơh pràn lơh broă bal bơtàu tơnguh lòt nhơl đah lơgar Việt Nam mờ lơgar Nhờk
Thứ sáu, 08:24, 04/07/2025 Cau mblàng Ndong Brawl/VOV Cau mblàng Ndong Brawl/VOV
VOV4.K'Ho- Nàng ai jơnau kờñ lơh pràn bơtàu tơnguh lòt nhơl đah bàr lơgar Việt Nam mờ Nhờk, tàm Hà Nội, Cơl dŭ lơh broă anih lơh broă Hòi jà Lòt nhơl lơgar Nhờk bơyai lơh “Cri bơyai mờ Tơrbŏ bal kă bro phan hòi jà lòt nhơl lơgar Nhờk nam 2025”.

Kờp tus nhai 5 nam do, lơgar Việt Nam neh wă rơlao 340 rơbô nă cau năc lòt nhơl lơgar Nhờk. Tàm đah sơlơ̆u wơl, tàm 5 nhai do, rơlao 300 rơbô nă cau lơgar Việt Nam neh tus lơgar Nhờk, gơguh 9,6% pơn drờm mờ tŭ do nam lài.

Cồng nha do geh là kơnờm mờ broă lơh ngan bơh ală mpồl lơh broă tàm gah lòt nhơl bơh bàr lơgar dê. Kwang atbồ anih ala măt lơgar Nhờk tàm lơgar Việt Nam ai jơnau kờñ tơnguh khà cau năc lòt rê đah bàr lơgar tus 2 tơlăk nă tàm nam 2030. Anih lơh broă Hòi jà Lòt nhơl lơgar Nhờk tàm lơgar Việt Nam mờ ală gah lơh broă bal kơ̆p kờñ cri bơyai rơ̆p pờ geh uă dơ̆ niam pa tàm broă lơh broă bal, tìp bal kă bro phan, wèt tus ai broă lòt nhơl đah lơgar Việt Nam mờ lơgar Nhờk ngai sơlơ bơtàu tơnguh tơl ală bơta, nền nòn mờ kơl jăt tàm rài tơnơ̆ do.

Cau mblàng Ndong Brawl/VOV

Viết bình luận

TIN CÙNG CHUYÊN MỤC