Sir jos cxiv tsa phường Tân Phong nhoz Lai Châu yênhx cấp xã huôv tsar jông

Phường Tân Phong, 1 hâur 2 phường nhoz tỉnh ntus đriv Lai Châu tâu yênhx lix txix muôz 2 phường thiêz 3 xã tox siêz hâur huyện Tam Đường thiêz TP Lai Châu lok uô cê, muôx 36 cxênhz ntâu lênhx nênhs. Muôz chor thax tsav heik sâuv lok uô cê tsi tiêk chiê qơư nhoz lox đar đuô, ntâu nênhs đuô, tsênhv krêz iz hâu cêr yiêz chiê huôv tsar têx côngz trênhx, kinh tế, vênhx huôv, xã hội ntơưv qơư. Zơưv Trưs Xênhv Muôk, Bí thư Đảng ủy, uô Chủ tịch HĐND phường Tân Phong heik pâuz, BCH Đảng bộ phường dự thảo pov cov chính trị thôngz đhâu trâu Đại hội đại biểu Đảng bộ phường Tân Phong jiês tiv 1 tâu cxiv tsa, tưz tso tơưv têx hâux lưv tsênhv tsênhz fuô uô hâur ntu 2025-2030. Đảng bộ phường zuôr sir jos trâu 2 luôs hâux lưv zov chênhr, zos uô tiêr têx hâux lưv njuôk hov, cêv kuôk phường; cxiv uô têx cêr muk lol thiêz huôv tsar uô kôngz tsơưr lươngv siêz reik đros ju lix côngv thôngx.

“Lok sâuv hâux lưv mak phường Tân Phong zov chênhr zuôr huôv tsar ciêz đrôngs hur jông, đros cxuô sở, ngênhx hâur tỉnh zuôr cxiv tsa tsưr ziv njuôk hov huv đros thiêz xav tinhv zuôr sir jos cxiv tsa chiê yênhx ciêz đrôngs, thax tsav huôv tsar truôx jông. Tân Phong zuôr cxiv kho đuô cxix luôs têx xor mông chiê taz por trâu hlôngr yiêz hành chính, phưx vưv jông tsôngv lax pêx xênhv thiêz doanh nghiệp, cux li cxiv tsa kinh tế huôv tsar truôx chiê muôx iz cxiê thax tsav qơư uô tâu jông luôs hâux lưv heik sâuv”.

Zơưv Lê Xuân Dũng, Phưv Chủ tịch Ủy ban phường Tân Phong heik pâuz, ntơưv qơư tưz tso tơưv hâux lưv tsênhv tsênhz thiêz zuôr sir jos fuô uô txix hâur six cxiv. Đhâu thâuv qir lês uô cxuô luôs hâux lưv, hâu nov phường tưz fuô uô ciês têx tsưr ziv, hâux lưv tsênhv tsênhz chiê uô tâu truôx jông đại hội six cxiv yiêz. Iz chas co, phường Tân Phong yiêz zuôr 2 phường Tân Phong thiêz Đông Phong kuz uô qơư cxiv tsa ciêz đrôngs vav mênhx, hur jông thiêz chor xã li: San Thàng, Bản Giang, Nùng Nàng uô qơư chuôz jos huôv tsar kôngz nuv tsơưr lươngv siêz, ju lix reik đros txux chi vênhx huôv.

“Đros thiêz 2 phường kuz zuôr sir jos huôv tsar muôv muôs dịch vụ. Xã San Thàng thiêz Nùng Nàng kuz zuôr sir jos huôv tsar uô kôngz đros trâu huôv tsar ju lix thiêz por hưv tsês chiê têx txux chi vênhx huôv jông. Qơư huôv tsar kinh tế tâu krêz lox đar, xã Bản Giang kuz cux zuôr tâu sir jos huôv tsar uô ntâu kôngz nuv thiêz jux juk yênhx kôngz nuv tsơưr lươngv siêz, chiê muôs têx kôngz, zav nox trâu tsôngv pêx xênhv sơưr đơưk hâur thax tsav đrôngs”.

Têx txox cêr yiêz tâu krêz cxiv uô, muôx tênhz tơưk pov cêr cax lus, txos trâu cxuô jêx jok tsâu sor, vav mênhx tâu bax cxiv tsa, huôv tsar zuôr muôx iz qơư hlôngr yiêz jông đuô nhoz thax tsav tox siêz. Pos Tống Thị Thanh Thắm, Phưv Chủ tịch Ủy ban MTTQ Việt Nam, uô Bí thư Đoanx phường Tân Phong heik:

“Đoanx phường Tân Phong zuôr sir jos uô jông hluôk nênhs têx hâux lưv ntêx nyuôs hâur cxuô cêr nuv lok cxiv tsa ciêz đrôngs, thax tsav qơư nhoz tox siêz huôv tsar, hlôngr yiêz; uô ntêx nyuôs hâur cxiv tsa têx côngz trênhx thiêz cxiv kho ciêz đrôngs, đros chor hluôk nênhs sơưr đơưk sir jos uô tiêr jông têx hâux lưv zok muôz”.

Đros trâu sơưr đơưk sik đros uô truôx jông cxuô luôs hâux lưv, cxix luôs chính trị sik thôngx siêz thiêz pêx xênhv njênhs njôngr, phường Tân Phong tsênhv jux juk khav tinhv tâu têx hâux lưv uô ntêx nyuôs cxiv tsa cấp xã nhoz Lai Châu huôv tsar. Hâur ntu zuôr txos tsênhv yuôr ntâu phiv liv, taz sik đros thiêz têx sir jos, muôx txux chi tsưr ziv jông, phường Tân Phong zuôr tsi tiêk zos tsênhv qơư hành chính, chính trị ntơưv qơư, tsênhv zos thax tsav uô ntêx nyuôs huôv tsar truôx cxuô luôs hâux lưv nhoz Tây Bắc hâur ntu hlôngr yiêz./.

Khắc Kiên-Riê Lâux cxeik, nhênhv

Trâus tưx zav nox hâur cheix ntux sor- tsưr ziv phax tar

Nênhs trâus tưx zav nox khênhr pov xar ntuôr, thox plaz, uô cuz, moz plaz... Trâus tưx zav nox tsi taz uô zênhr shar txos đas jos (uô tuôs lênhx nênhs) mak tsênhv uô lênhx nênhs co gênhs gênhs tsi muôx đas jos.

          Jênhv pov thâuv trâus tưx zav nox hâur cheix ntux sor zos tul tsi?

Thâuv lênhx nênhs nox trâus têx zav caz moz no, zuôr uô trâus tưx viv têx tưx muôx hâur caz moz. Pov têx moz yưv li: uô cuz, moz plaz, xar ntuôr, ntuôr, thox plaz, tơưv trôngx ntâu uô luz chêr muôx tsi txâuk đêx...

Tsuv uô li chas chiê phax tar trâus tưx hâur cheix ntux sor?

          Trâus tưx zav nox hâur cheix ntux sor thâuv tưs cux zuôr muôx yưv, viv qênhx shênhx tsi taz por vêv xênhz zav nox khênhr muôx ntâu. Viv lênhx nênhs sir zôngv thiêz tas nro xã hội li đas jos, tsuv tso tơưv vênhv thix taz por vêv xênhz zav nox zos iz hâur têx vênhv thix phax tar xuz thơưx.

          Tsuv yax mông, zaoz zux tsôngv box pâuz lok têx zav nox kiês nênhs, tsi taz por li txux hiêv, tiv zix zos têx zav nox tâu uô uô ntêx, txir nhôngs tsi taz por vêv xênhz lok sik zav nox nhôngs li nyar chiêx, greix kâuz...

          Tsi nox têx zav nox tsi tâu uô siêr. Thâuv nox txir nhôngs tsuv tsâu cuô njiêr thiêz nzuôr hur uô ntêx thâuv nox.

          Tsuv nzuôr tês txix yuôx phongx thâuv tơưv trôngx thiêz uô ntêx thâuv nox hâuk. Đêx uô txiêk tsuv tâu râuz bâu, tuô caz moz uô ntêx thâuv zôngv. Tsi nox têx zav jâuz nhôngs, têx zav jâuz nox đros nduôr mix, cuz thaz...

          Tsi zôngv têx zav nox tsi taz por vêv xênhz. Têx zav nox tsuv tâu uô siêr, thâuv tsi tâu nox lok sik nox sênhv xar muôz khơưk tsês mak tsuôk tâu tsês tsi đhâu 2 six hơưv, đhâu co tsuv muôz tso hâur tuv lạnh.

          Têx lênhx nênhs chos jâuz, txir ntông thiêz muôv muôs zav nox nhôngs tsuv uô jông têx tsưr ziv zôngv hóa chất chiê chos, zuôv qir thiêz por coar zav nox; tsi viv liv zix uô ntêx mak uô zênhr shar txos nênhs sir zôngv li đas jos.

          Zav nox thâuv tưs cux muôx ziz njiêz lok six coaz tsôngv đros lênhx nênhs li đas jos, sir zôngv zav nox huv vêv xênhz, tsi taz por puôr lênhx uô trâus tưx zav nox. Pâuz tsênhz tâu qir tiv uô trâus tưx zav nox thiêz têx tsưr ziv phax tar zos lok six zuôr trâus trâu zuk tiz nênhs thiêz chuôz zis, cxuô lênhx nênhs hâur xã hôiv./.

(Hồng Việt- Txâur Vax cxeik nhênhv)