Hnuz xuz thơưx tsưr tsix bộ meir yiêz nhoz xã ntus đriv Lào Cai

             Tsênhv qơư phưx vưv hành chính côngz xã Bát Xát ciês hâur hnuz xuz thơưx huôx tôngv tưz tos tiêv chôngz tsôngv box tuôx car chêx ntâuz ntơưr hành chính. Nhoz tsênhv qơư xã, tsôngv box sik đros tuôx gra ntâuz ntơưr, jâuv chiê tos txos zuk. Tuôx car chêx ntâuz ntơưr ar têz, niêv lâuk Phạm Thị Phượng, nhoz tuêv 5, xã Bát Xát, tỉnh Lào Cai pheiz kênh:

          “Tsuôk pov pôngz lơưv bê zos huyện xưz, yuôr têx jix vuv hành chính côngz mak uô ciês ntơưv xã lơưv, muôx cxaz iz cxiê cán bộ txix têx xã txơưr tuôx, puôr lênhx zos hluôk nênhs, thâuv pêz tuôx uô hâux lưv lơưr lok six jông siêz uô, muôx txơưx jênhv đros côngz xưv. Ntu no ntâuz ntơưr txix huyện xa lok xã, têx qơư txơưr lok thiêz viv li pôngz ntâu six hơưv tos đuô xưz, taz sik cux tsi muôx tul tsi”.

          Lơưr pos Nguyễn Thị Ngọc Anh, Phưv Chủ tịch UB xã, cux zos Giám đốc Tsênhv qơư phưx vưv hành chính côngz xã Bát Xát, ciês hâur hnuz xuz thơưx huôx tôngv, txơưv tsênhv muôx têx phêv liv, taz sik tas nro tsôngv box tuôx car chêx ntâuz ntơưr hành chính puôr lênhx tâu tos jênhv. Ntâuz ntơưr tưs yưr lir tâu mak uô ciês tâu hâur hnuz thiêz zuôr sir jos uô tiêr thiêz muôz trâu tsôngv pox nhuôk chiê tsôngv box nhuôk jông siêz đuô đros tsưr tsix bộ meir yiêz.

          “ Têx ntâuz ntơưr tưs tsôngv box zuôr trâus tâu car chêx ntâu tiv zix mak pêz zuôr tsov cưv kriê cxaz pưv phênhv một cửa cux xưk li tas nro têx lênhx nênhs uô hâux lưv chiê tov kaz no tas nro puôr lênhx cxaz chuôz paz tâu trâu tsôngv box. Công chức tsuv txơưx uô hâux lưv thiêx li jông. Tiv zix, nhiv no Tuêv hlôngr yiêz số côngv thôngx cux tưz tâu yênhx lix, pêz zuôr phuôx huiz têx lênhx nênhs no”.

          Ciês hâur hnuz xuz thơưx huôx tôngv, HĐ xã Bát Xát tưz chêx chôngk kriêz phêv jiês tiv I, thôngz đhâu ntâu Nghị quyết hlôngr lênhx nênhs, qơư uô hâux lưv hâur chính quyênx; yênhx lix têx phòng, ban chuyên môn, hlôngr yiêz, cxaz nzir tsưr ziv đros zênhx hangx têz qơưk sâuv thax tsav. Lơưr zơưv Nguyễn Trung Triều, Bí thư Đảng ủy, Chủ tịch HĐ xã Bát Xát, thâuv sik côngv thị trấn Bát Xát thiêz 4 xã Quang Kim, Phìn Ngan, Bản Qua, Bản Vược, xã Bát Xát yiêz đar zuôr xar 200 cei cêr ndis, muôx jênh số zos 27 cxênhz lênhx nênhs, lox đar tiv zix pir đros têx xã hâur thax tsav. Chiê jê tsôngv box đuô phuôx huiz pưs txux chính quyênx phưx vưv, lok six ntâu jênhv vưv tsuv cxơưz tiês uô txix ciês hâur hnuz xuz thơưx huôx tôngv bộ meir.

          “Cấp ủy, chính quyênx xã Bát Xát yiêz tưz chox kriê têx phongx, ban chuyên môn bax cxuô zav phưx vưv tsôngv box jông tiv zix. Đhâu co chor cán bộ puôr lênhx muôz siêz chinhz yênhx, txơưx jênhv, yuôr pox nhuôk cux lok six jông siêz viv lơưr zos lênhx nênhs seiz car, tâu sơưv têx chêx cuk hâur jiês hlôngr yiêz tso tsês cấp huyện tsuôk tsưr tsix chính quyênx cấp xã”.

          Đrâuv têx jênhv vưv hâux lưv uô ntơưv qơư, yax six muôx lênhx coaz txos tsôngv box, zơưv Nguyễn Trung Triều puz pâuz: Bát Xát tsênhv chêx chôngk lok têx jênhv vưv li cxơưz tiês têx côngz tsinhx zov chênhr cik txos trôngx đriv Bản Vược, thax tsav công nghiệp, cxuô zav nhoz niêv đrôngs- muôv muôs-jix vuv; thôngx cxix, tsov cưv cxơưx trâu tsôngv box mênhx cxưx tsơưs nênhs nhoz tox siêz./.

(An Kiên-Txâur Vax cxeik nhênhv)

Lênhx cưk yuôx uô hâux lưv jông nhoz ntus đriv Sơn La

Cêr muk trâu pos Lò Thị Nhọt, xã Chiềng Khương, tỉnh Sơn La chuôz zis tưz lok six sưv đros thiếu tá, lênhx cưk yuôx tuz lênhv Lò Văn Thương nhoz Zênhx Pênhz phax Trôngx đriv Chiềng Khương. Iz chas txos hnuz tuôx seiz njuôk shuôs đas jos lơưr cui tinhv, thâuv tưs chuôz zis zuôr trâus paz, tix lâus Thương puôr lênhx tuôx ciês ntơưv chuôz zis chiê seiz njuôk shuôs đas jos trâu chor nênhs hâur tsêr. Hnuz nhôngk tưz lâul, tsi muôx đas jos uô nox, chuôz zis ho txov nhêv, pos Lò Thị Nhọt lok six chiê siêz, tok njôngr chor cưk yuôx tuz lênhv Pênhz phax têx cêr paz, txoz cxơưx trâu pos thiêz chuôz zis.

“Shông no cur tưz 86 shông lơưv, khênhr trâus muôx moz gênhk, muôx chor tuz lênhv Pênhz phax tsoz phưz đas jos xưk li nênhs hâur tsêr, cur uô tsâus lok six ntâu txos chor nhuôv, tưz paz niêv muôx nzir đas jos, cêr chiê siêz”.

Thiếu tá Lò Văn Thương thâuv tưs cux muôx thiêz gra đros têx chuôz zênhx seiz njuôk shuôs moz, cxuô zav yuôx muk yax mông, kriê pêx xênhv thax tsav ntus đriv tsưr ziv tsưx phưv jông đas jos chiê tsi yuô trâus muôx moz gênhk. Trơưk li tix lâus Lò Văn Thương, iz jiês muk jêx jok seiz njuôk shuôs đas jos trâu pêx xênhv, puôr lênhx zos six hơưv jông chiê tix lâus tâu chuôs njiz, sik thav đros tsôngv pêx xênhv ntus đriv, uô sơưr đơưk muôx cêr thôngx siêz đuô:

“Pêz thâuv tưs tưz seiz pêx xênhv hâur thax tsav ntus đriv xưk li chor nênhs hâur tsêr, chênhr viv li thâuv pêx xênhv muôx moz gênhk, xar seiz njuôk shuôs đas jos, kho moz mak pêz jông siêz hlo muk yênhx chuôz zis chiê seiz njuôk shuôs đas jos trâu tsôngv box”.

Tsi tiêk tsôngv box thax tsav ntus đriv Sơn La, têx jiês muk uô hâux lưv seiz shuôs “Tuz lênhv Pênhz phax lênhx nhuôv puôs” Thạo Phe thiêz tsôngv pêx xênhv jok Đán, huyện Mường Ét, tỉnh Hủa Phăn, têz qơưk Lol Tsuôk, thiếu tá Lò Văn Thương khênhr tsês six hơưv muk seiz njuôk shuôs moz, sik thav đros tsôngv pêx xênhv, kriê sơưr đơưk tsưr ziv tsưx phưv đas jos. Co zos iz kro jông, uô ntâu lênhx pêx xênhv thax tsav ntus đriv Lol Tsuôk jông siêz thiêz shir phaz, lar heik zos têx chuôz zis muôx luz nênhx txov nhêv, tsi yuô tâu seiz njuôk shuôs đas jos viv nhoz kuôk đêz tsênhv qơư, iz zav li pos Nang Phon nhoz jok Đán:

“Iz jiês chor tuz lênhv tuôx shuôs, seiz njuôk đas jos trâu pêz, lơưr tsênhv muôz yuôx nox kho moz gênhk hur si, pêz lok six jông siêz hênhr, uô tsâus ntâu txos chor tuz lênhv Pênhz phax Việt Nam”.

Iz jiês muk đhâu thax tsav ntus đriv, txos trâu têx qơư tsôngv box txov nhêv, nhoz đêz đrôngs, thiếu tá Lò Văn Thương cux sir jos uô luôs hâux lưv seiz njuôk shuôs đas jos trâu têx lênhx canr bôv, chiến sĩ tsênhv uô hâux lưv tsưx phưv têz qơưk.

Thiếu tá Hoàng Quang Huy, Phưv seiz car Zênhx Pênhz phax trôngx đriv Chiềng Khương, Bôv đôiv Pênhz phax tỉnh Sơn La heik pâuz:

“Đảng ủy, Ban chỉ huy zênhx tưz chox kriê chor cưk yuôx tuz lênhv hâur taz viv tsi so uô jông hâux lưv seiz njuôk shuôs đas jos trâu canr bôv, chiến sĩ, muôx txâuk yuôx nox kho moz gênhk trâu têx tuz lênhv; lar heik zos têx tổ đội uô hâux lưv nhoz đêz Zênhx, uô li chas chiê chor tuz lênhv muôx jông đas jos lês uô têx hâux lưv zok muôz, tsưx phưv truôx ntus đriv têz qơưk”.

Têx ndo côngz txiêx njis tâu heik ntâu txos hâur canr bôv cưk yuôx tuz lênhv pênhz phax têx jax pêv, luk thav xưk li zos tuz lênhv thiêz thiêz tsôngv pêx xênhv ntus đriv Sơn La cêr siz hluz siz paz. Têx moz siêz, txoz cxơưx, tsoz phưz....txix hâux lưv uô mê hâur niêx hnuz tưz ziv uô trâu sơưr đơưk muôx cêr thôngx siêz, sik đros tsưx phưv truôx têz  qơưk thax tsav ntus đriv tsênhv txov nhêv no./.

Lê Hạnh-Riê Lâux cxeik, nhênhv