Lênhs tov xã yiêz nhoz Sơn La: Truôx siêz chox tiv phaz huôv tsar jông

          Ngọc Chiến- thax tsav qơư tâu pâuz txos đros luz bê “têz qơưk tox siêz jông jav” nhoz Sơn La-Tây Bắc txix hnuz xiêz 1/7 qir huôx tôngv đros bộ meir lênhs tov yiêz. Tix lâuk Nguyễn Minh Tuân, Phưv chánh văn phòng UB tỉnh Sơn La zos lênhx nênhs tâu choz uô Bí thư Đảng ủy xã yiêz. No cê zos iz kror jông txưv haox, taz sik cux zos iz txơưx jênhv lox- tix lâuk Tuân heik li ntơưv. Tix lâuk xav tênhv zuôr sir tas đas jos, đros lênhs tov tas nro xã sik côngv siêz; phuôx huiz cxuô lênhx nênhs li pênhr xưv, txux chi, tôngv vênhx tsôngv box sik côngv siêz tuôr tsês vênhx huôv mênhx cxưx chiê cxơưz tiês huôv tsar ju lix Ngọc Chiến huôv tsar truôx vênhs. “Thường trực Đảng ủy xã cux tưz thôngx ziv siêz zuôr tsov cưv lok ju lix thiêz kôngz nuv- co zos xã li têx muôx jos. Chiê uô tâu hâux lưv co lok six zuôr trâus tas nro Ban thường vụ Đảng ủy xã li sik côngv siêz thiêz tỉnh li tsov cưv paz max, đros tsôngv pox nhuôk li thôngx ziv thiêz tas nro cxix luôk chính trị sik đros uô mak pêz njênhs njôngr zuôr uô tâu tsưr ziv no”.

          Tix lâuk Lả xênhv Vax txơưv tưz uô ntâu côngz xưv, hâu nov lênhs tov txơưr, li Phưv Bí thư, Bí thư tỉnh đoàn, Chủ tịch liên đoàn lox tôngv tỉnh Sơn La... taz sik jiês no, thâuv tâu Ban thường vụ Tỉnh ủy tror njênhs njôngr choz uô Bí thư Đảng ủy xã Phiêng Cằm yiêz, muôx xã Phiêng Cằm thiêz Chiềng Nơi sik côngv uô cê, tix lâuk cux pov lok six cxơưx. No zos têx xã txov nhêv tiv zix, phênhv ntâu zos tsôngv box Hmôngz nhoz uô nênhx, yênhx tưv txux chi kis...viv li tix lâuk xav tênhv zuôr sir tas đas jos chiê hlôngr yiêz nôngx cxênhz tox siêz. Tix lâuk Lả xênhv Vax pheiz kênh, zos iz lênhx nênhs Hmôngz, nhiv no uô lênhs tov xã mak zuk mênhx cxưx tsav phênhv ntâu, tix lâuk zuôr zôngx ziv krêz uô hâux lưv đros tsôngv box, đhâu co, xar njôngr đros cấp ủy chính quyênx thiêz pox nhuôk cxơưz tiês cxuôv yeiz thiv pluôk nhoz tiv phaz. “Cur njênhs njôngr đros zuk li sir jos thiêz tas nro cán bộ xã, hâur co muôx tas nro lưx lươngv nhoz tiv phaz thiêz têx lênhx nênhs tâu chuôz tsar txix tỉnh, cur njênhs njôngr Ban thường vụ tỉnh ủy thiêz pox nhuôk yênhx trus sir jos chiê chox xã Phiêng Cằm muôx têx huôv tsar yiêz”.

          Xã ntus đriv Lóng Sập, phênhv ntâu tsôngv box mênhx cxưx Hmôngz, Thái nhoz uô nênhx zos xã muôx chor ziv chuôz zis trâus yeiz pluôk siêz tiv zix nhoz thị xã Mộc Châu nhiv no, đros 16% ntâu. Txos tas shông 2024, tsôngv box hâur xã yiêz li phênhv sâu fênhx pheiz tax 24 tsov đeiv; hâur co huyện li phênhv sâu fênhx pheiz zos 45 tsov đeiv ntâu iz lênhx nênhs iz shông. No cux zos xã muôx txiv ngaz cuz nxor, muôv muôs zax zênhz, tsir têz trơưk qơư...Tix lâuk Trần Xuân Thành, Phưv tsar Phongx kôngz nuv tiêz tênhx qơư thị xã Mộc Châu zos lênhx nênhs tâu pheiz côngz lok uô Chủ tịch UB xã txix hnuz xiêz 1/7/2025 pheiz kênh, zuôr muôx lok six ntâu hâux lưv uô thiêz tsuv krêz uô txos qơư hâur ntu zuôr txos chiê tsôngv box muôx luz nênhx truôx tul thiêz jông đuô. Tix lâuk xav tênhv tsuv chuôz tsar muk tiv phaz, jê pox nhuôk, yax mông, vênhv tôngv pox nhuôk hlôngr yiêz siêz xar, jênhv pâuz lok luz nênhx yiêz. Đros co zos kriê pox nhuôk huôv tsar tu zus, tsêz chos chiê huôv tsar kinh têr chuôz zis. “Pêz zuôr sir jos yax six yax mông, paz txưv tsôngv box lơưr tsưr ziv kriê huôv tsar kinh têr, tiv zix zos chos ntông nox txir thiêz tu zus niêv tsiêx cxu, sir jos uô tâu xiv huv taz por, muôx tsơưr lươngv chiê huôv tsar KTXH, paz tsôngv box luz nênhx ziv hnuz ziv tsâu sor đuô”.

          Chor cán bộ lênhs tov têx xã, phường yiêz nhoz Sơn La puôr lênhx jênhv pâuz cxix cxuô zuk li txơưx jênhv, bax jông tsưr ziv siêz xar, yênhx tưv txux chi...chiê uô jông jênhv vưv tâu choz, truôx siêz chox tiv phaz sir jos tax tâu ntâu yênhx côngz jông hâur uô trâur nuv chính quyênx tiv phaz 2 cấp, qir txix hnuz xiêz 1/7/2025./.

Thu Thùy-Txâur Vax cxeik nhênhv

Hlôngr yiêz sôr-qơư paz jos huôv tsar kôngz nuv nhoz Lào Cai yiêz

              Zơưv Nguyễn Văn Định nhoz jok Minh Thân, xã Thác Bà, tỉnh Lào Cai yiêzchuôz zis iz txưv zos chuôz zis chos đreiv chor txir lưk pax. Nhiv no zơưv chuôz zis muôx iz ha ntâu txir lưk pax đros thiêz 350 tsoz, xav kror đruôz đraz chos tâu muôx 30 txos 50 shông, hâur co kênh tsoz tưz chos tâu 70 ntâu shông. Taz sik, chiê tu tâu têx tsoz txir lưk pax lâul tsi trâus tuôs, txi txir jông, nox kaz, lar heik zos tu tâu huv đros mak tas lok six ntâu six hơưv, côngz đas jos. Têx shông jê lok no, tâu tỉnh thiêz tsêr cơưv Đại học Kôngz-jôngr nuv, Đại học Thái Nguyên paz kriê tsưr ziv tu, zơưv Định tưz quyết định yưv muôx 70 tsov đeiv nhiêx chiê đhok car đêx zưs trâu tsoz chos. Nhiv no, txơưv nhoz hâur tsêr lok sik kror tưs, zos muôx sóng xor tôngx, mạng internet, zơưv tưz muôx têx tso tâu đêx zưs trâu tas nro vax txir lưk pax. Zơưv Nguyễn Văn Định heik: “Thâuv ntêx zos tiêk zưs đêx trâu tas nro luz vax mak muôx têx pôngz nhos 4-5 hnuz. Taz sik nhiv no iz hnuz xưz cur tưz zưs tâu tas hur si. Thiêz cux tsi tas tuôr hluô, tuôr car đêx muk zưs iz kro, iz tsoz jux juk, tsuôk niêk meir, tso đêx nưk zưs nưk xưz, zuk muk uô lưv zav hâux lưv txơưr đuô”.

            Đros trâu cxuô chuôz zis, hlôngr yiêz sôr cux tsênhv tâu ntâu doanh nghiệp, HTX nhoz Tỉnh Lào Cai yiêz sir jos uô trơưk hâur huôv tsar, tsiv uô, qênhz shuôs qơư chos thiêz sâu zuôr têx xiv huv.  Zơưv Nguyễn Việt Hưng, Giám đốc Công ty muôv muôs thiêz ju lix Hưng Việt-taz viv huôv tsar uô ju lix thiêz côngz têx xiv huv kôngz nuv jông hâur thax tsav tỉnh  Lào Cai yiêz li: Trox ciêv fix, yuôx zêx Shan tuyết, njêl kra kruôr pak đêx Thác Bà, cuz thaz kok kriêr....heik pâuz: “Xuz thơưx zos xav tinhv tsưr ziv xar uô trơưk khoa học, công nghệ mak chiv chir zok nriêr, cơưv shâuv xưz; tiv 2 zos ndax trâu ntu têz qơưk moz siêz paz max tsôngv pêx xênhv, doanh nghiệp huôv tsar uô nox, viv li pêz tâu cơưv cxaz têx txux chi tsưr ziv thiêz tâu paz sir zôngv têx meir phưx vưv uô hâux lưv.

            Ntâu trâur nuv, hâux lưv huôv tsar uô nox trơưk tsưr ziv yiêz, zưs đêx zưs tsuôs chiê têx ar têz max mav ntuz jux juk txix nhoz đêz tuôr xor tôngx tso đêx zưs....tưz thiêz tsênhv tâu fuô uô siv, gra lok têx jông, muôx liv. Zơưv Nguyễn Thúc Mạnh, Phưv Giám đốc Sở Khoa học thiêz Công nghệ tỉnh Lào Cai yiêz heik pâuz: “Hâur ntu zuôr txos, pêz zuôr đros têx sở, ngênhx cik txos chiê nhênhz chơưv trâu HĐND tỉnh tso tơưv iz cxiê tsênhv chei paz, cxơưz cxiz uô lơưr têx công nghệ sôr hâur cxuô luôs hâux lưv. Đhâu ntơư, chor qơư tsiv uô, doanh nghiệp, HTX xar uô lơưr công nghệ zuôr tâu têz qơưk paz mê njik chiê uô trơưk hâur tsênhv tsênhz cov uô tâu truôx jông đuô têx hâux lưv huôv tsar uô nox”.

            Hlôngr yiêz sôr hâur kôngz nuv tsi tiêk uô lơưr công nghệ, tsênhv zos hlôngr yiêz tsưr ziv huôv tsar uô nox chiê muôx tâu iz ngênhx kôngz nuv truôx jông./.

Thừa Xuân-Riê Lâux cxeik, nhênhv