Tỉnh tox siêz Sơn La sir jos kriz uô chinhr quyền thax tsav qơư 2 cấp

Xar Phiêng Pằn yiêz nhoz tỉnh tox siêz Sơn La tâu yênhx lix txix chiê 3 luz xar Chiềng Lương, Phiêng Pằn thiêz Nà Ớt huyện Mại Sơn (kuz) lok uô cê, đros qơư uô hâux lưv tâu chiê trâu ntơưv xar Phiêng Pằn kuz. Tas nro chor canr bôv, công chức xar zos 64 lênhx nênhs, muôx chor canr bôv nhoz pêz luz xar chiê lok uô cê thiêz txar txix huyện Mai Sơn lok. Hâur ciêz đhâu, xar tưz uô siv hâux lưv lơưr bôv mêir yiêz, đhâu co, paz trâu chor canr bôv, côngv chức nhoz yênhx kror hâux lưv sưv đros trâu têx hâux lưv tsuv uô chiê thâuv kriz uô ciês hâux lưv zuôr paz trâu lơưr uô tâu jông. Niêv tix Phạm Thu Hằng, canr bôv hluôk nhoz Văn phòng Đảng ủy xar Phiêng Pằn yiêz hêik pâuz:

“Pêz zos chor canr bôv hluôk zuôr sir jos hla đhâu têx phiv liv, đros đrêiv pêx xênhv hâur huôv tsar kinh têr, phưx vưv trâu pêx xênhv uô têx ntâuz ntơưr, sir jos, cxiv tsa xar Phiêng Pằn cov hênhr, jông jav thiêz vav mênhx, truôx siêz hla trâu têz qơưk ntu hlôngr yiêz thiêz huôv tsar”.

Đros đar muôx 320 ntâu cêik cêr ndis, dân sôr muôx 24.000 ntâu lênhx nênhs, xar Phiêng Pằn yiêz zos iz hâur 10 luz xar đar tiv zix tỉnh Sơn La. Tas nro xar nhiv no muôx 45 jêx jok thiêz 4.800 ntâu ziv chuôz zis, muôx 5 mênhx cxưx zos Thái, Hmôngz, Tsoz Tsiz, Sinh Mun, Khơ Mú uô nênhx nhoz. Zơưv Nguyễn Văn Bằng, Bí thư Chi bộ uô tsar jok Phú Lương, xar Chiềng Lương (kuz), tỉnh Sơn La hêik pâuz:

“Đhâu thâuv pâuz tâu têx xor mông, pêz tưz lok cơưv thiêz thôngx ziv hâur chi ủy chi bôv đros yax kriê chiê pêx xênhv pâuz tâu Đảng, Têz qơưk cux li tỉnh, huyện têx chủ trương, cêr chêi lok têx jênhv vưv cxuô, pox nhuôs cux lok six thôngx ziv đros”.

Khov tâu yax kriê, pêx xênhv nhoz tas nro xar Phiêng Pằn yiêz li 45 jêx jok puôr lênhx pâuz tâu tiêk tsuv tuôx trâu xar qơư uô hâux lưv yiêz chiê uô têx ntâuz ntơưr hành chính. Zơưv Lò Văn Tươi nhoz jok Chẳm Hin, xar Nà Ớt (kuz) hnuz no tuôx trâu xar kror qơư uô hâux lưv yiêz chiê uô ntơưr kriz xênhz trâu tuk nhuôv xênhz nzưr, zơưv lok sir shir phaz thâuv tâu chor canr bôv xar uô tiz jông kriê thiêz kriz uô têx hâux lưv zôngx ziv thiêz sêi đrơưv:

“Chor xar lok uô cê cur pov hâux lưv đơưk kho, uô pêx xênhv têx ntâuz ntơưr tâu sêi, tsik phiv liv thiêz tsik tsuv muk lok ntâu”.

Hâur 1 ciêz uô têx hâux lưv lơưr tsưr ziv yiêz, txix iz xar ntus đriv txov nhêv, chor ziv chuôz zis pluôs tsênhv yuôr chôngz xar muôx 22%, chor canr bôv đhâu thâuv tâu Ban Thường vụ Tỉnh ủy chiê uô chor nênhs lênhx tov chênhr ntơưv xar sêi đrơưv cơưv sêiz lax chiê thôngx ziv tsưr ziv huôx tôngv, uô hâux lưv. Zơưv Lò Văn Ngọc, Chủ tịch Ủy ban xar Phiêng Pằn hêik pâuz:

“Uô ntêx mak xar tsêx trung chiê qênhz yuôx, hêik pâuz cxiv tsa tsưr ziv yưv pênhr công ntu 2026-2030 cux li uô đros têz qơưk chor tsaz yênhx, li têz qơưk tsaz yênhx cxiv tsa jêx jok yiêz, txo grêk yêiz pluôs truôx đrênhk thiêz têz qơưk tsaz yênhx huôv tsar kinh têr xar hôiv thax tsav tsôngv box mênhx cxưx tsơưs nênhs, tox siêz chiê tsêx trung cxiv tsa cxuô kror, tiv zix zos cêr zoz thôngz txuôk đros chor xar cux li chor jêx jok chiê paz trâu pêx xênhv thâux xa, zuôr muôs têx hax huv, kôngz nuv tâu jông đuô”.

Txơưv tsênhv yuôr ntâu kror cêr txov, muôx tsik tâu txâuk; chiê chor xar lok uô cê zuôr njiz ntâu kror phiv liv. Taz sik, cấp ủy, chinhr quyền thiêz pêx xênhv xar ntus đriv Phiêng Pằn, 75 xar phường hâur hur si tỉnh Sơn La puôr lênhx shir phaz, njênhs njôngr trâu Đảng, Têz qơưk têx cêr chêi thiêz vav tiêk luz nênhx zuôr truôx tuk, huôv tsar đuô thâuv hla trâu iz ntu yiêz zos uô lơưr chinhr quyền thax tsav qơư 2 cấp, piz txix hnuz 1/7/2025./.

Thu Thùy-Trấn Long-Lik Thox cxêik nhênhv

Lào Cai-Yên Bái: Thâuv “Muôx txâuk cxuô zav”, sik đros sir jos chiê huôv tsar, hlôngr yiêz

Xuz thơưx hnor muôz Lào Cai-Yên Bái lok uô cê đros trâu tsi muôx cấp huyện, đảng viên Nguyễn Thị Thanh Hà, nhoz phường Kim Tân, TP Lào Cai cux mê njik pôngz siêz, cxơưx. Taz sik txos nhiv no, seiz pov têz qơưk cêr huôv tsar cux li Lào Cai, pos Hà ziv njênhs njôngr lok chor hâu nov yiêz, zuôr lês uô tâu truôx jông cxuô luôs hâux lưv zok muôz.

“Đhâu nriêr pâuz, cur cux pov têz qơưk huôv tsar, hlôngr yiêz li no zos huv đros. Cur lok six xar cov đhâu muôz iz cxiê thax tsav, cơ quan, taz viv lok uô cê thiêz uô hâux lưv lơưr 2 cấp, chor hâu nov zuôr lês uô tâu jông đuô cxuô luôs hâux lưv, têx lênhx hâu nov txơưx njê, muôx txux chi tsưr ziv zuôr chox car tỉnh huôv tsar, paz pêx xênhv đros trâu canr bôv, công nhân, viên chức lês uô hâux lưv têz qơưk puôr lênhx muôx luz nênhx tsâu sor, hlôngr yiêz, truôx tuk đuô”.

Zos iz hâur 40 lênhx canr bôv Ban Thường vụ Tỉnh ủy  seiz car tâu tso so hâux lưv uô ntêx hnuz nhôngs so lâul txix xiêz 01/7, pos Lưu Thị Sim, Phưv thơưx seiz car tsêr cơưv Chính trị tỉnh Lào Cai heik pâuz, muôz iz cxiê thax tsav qơư lok uô cê, txo grêk tsơưs nênhs lês uô têx hâux lưv li no zos zov chênhr, huv đros, zos tiz jông uô, nzaz nzơưv têx jông mak zuôr huôv tsar tâu truôx hâur ntu zuôr txos.

“Pêz so hâux lưv taz sik puôr lênhx vav chiê siêz tỉnh Lào Cai yiêz zuôr huôv tsar đuô txix sơưr đơưk sik thôngx siêz, siz paz; chiê pêz muôx six hơưv, hnuz nhôngs siz cơưv shâuv nzir, sik đros huôv tsar kinh tế xã hội. Co zos têx uô trơưk chor lâul thâuv ntêx cêr uô nênhx, sik thôngx siêz, viv Lào Cai-Yên Bái tưz muôx jiês côngv iz bê hu zos Hoàng Liên Sơn thiêz nhiv no chênhr zos six hơưv jông chiê tror huôv tsar”.

Trơưk li zơưv Trần Minh Sáng, Giám đốc Sở Kôngz nuv thiêz tênhx qơư tỉnh Lào Cai, txix têx hlôngr yiêz no, tas nro sơưr đơưk tsênhv vav chiê siêz trâu iz tỉnh Lào Cai yiêz zuôr muôx qơư lox đar, đas jos yiêz huôv tsar truôx cxuô tsar zav đros trâu têx côngz trênhx jông, ciêz đrôngs vav mênhx, kôngz nuv, công nghiệp hur thiêz ju lix, vênhx huôv reik đros kinh tế trôngx đriv.

“Pêz cux pâuz tiêk, kôngz nuv thiêz tênhx qơư lok six zov chênhr trâu tỉnh cêr huôv tsar.. Chênhr viv li, Sở Kôngz nuv thiêz Tênhx qơư tsuv hlôngr yiêz tsưr ziv, uô jông têx hâux lưv seiz car, huv đros, sik thôngx siêz siz chos cxiv tsa ngênhx kôngz nuv huôv tsar, tênhx qơư truôx, paz trâu tỉnh Lào Cai hlôngr yiêz, huôv tsar jông đuô hâur ntu zuôr txos”.

Heik ntơưv 2 Ban Thường vụ Tỉnh ủy Lào Cai-Yên Bái jiês uô hâux lưv uô ntêx zuôr muôz 2 tỉnh lok uô cê, zơưv Trịnh Xuân Trường, Bí thư Tỉnh ủy, Chủ tịch Ủy ban tỉnh Lào Cai heik, Đảng tsưr ziv phênhz, muôz 2 tỉnh lok uô cê, txo grêk tsơưs nênhs uô hâux lưv cê muôx qơư lox đar huôv tsar, cê đơưk tâu têx phiv liv uz no. Taz sik, txix têx li heik co, chor canr bôv, đảng viên, pêx xênhv 2 tỉnh tsuv sik thôngx siêz, siz paz thiêx huôv tsar tâu truôx têx muôx jông.

“Lào Cai-Yên Bái thâuv tưs tưz xar, viv pêz pluôs pêz tsuv chiv chir zok nriêr hâu cêr, tsuv xar tsưr ziv, sir jos, car xar, car uô. Pêz tsênhv muôx jông six hơưv, hnuz nhôngs thiêz pêz cux tưz bax tâu jông cxuô luôs hâux lưv chiê lês uô têx hâux lưv co, taz sik xar huôv tsar uô tâu mak tsuv sir zôngv chênhr zuk tsưr ziv, pênhr xưv. Thâuv tưs chor nênhs ntơưv qơư sik thôngx siêz, hâux lưv, tsưr ziv ndar txos, uô tâu, thâuv co cur njênhs tiêk lênhx nênhs hâur tỉnh Lào Cai yiêz zuôr muôx luz nênhx truôx tuk, tsâu sor thiêz hlôngr yiêz jông đuô”./.

An Kiên-Riê Lâux cxeik, nhênhv