Xar ntus đriv Sin Suối Hồ (Lai Châu): Chinhr quyền yiêz, sir jos uô têx hâux lưv

Txix đhâu hnuz (1/7) hêik pâuz uô lơưr chinhr quyền 2 cấp, têx hâux lưv ntơưv tsênhv qơư phưx vưv hành chính công xar Sin Suối Hồ, tỉnh Lai Châu tâu sir jos uô sêi. Đros sir jos uô, tas nro canr bôv, công chức, nênhs lox tôngv xar tưz sêi đrơưv piz uô ciês têx hâux lưv. Txơưv tsênhv yuôr ntâu kror hâux lưv, taz sik sơưr đơưk cux sir jos chiê uô tâu jông têx hâux lưv phưx vưv trau pêx xênhv.

Cux li chôngz lênhx nênhs txơưr đuô nhoz sâuv thax tsav, tix lâus Lò Văn Kíu, mênhx cxưx Thái, nhoz Bản Mầu, muk tas muôx 20 cêik cêr har jôngr tuôx trâu qơư uô hâux lưv xar yiêz Sin Suối Hồ chiê uô ntâuz ntơưr xav jênhv bảo hiểm y têr trâu chor nênhs cxênhz jê. Tsuôk đhâu 5 phênhz txêik jênhv ntâuz ntơưr, tix lâus têx ntâuz ntơưr tưz tâu uô tiêr, paz trâu tix lâus tror lok tsêr tâu sêi chiê chox pox niêv tuôx trâu trạm y têr ntơưv thax tsav njuôk shuôk moz:

“Hnuz no cur tuôx ntơưv no uô ntâuz ntơưr chiê chox pox niêv muk njuôk kho moz. Thâuv tuôx trâu xar yiêz uô ntâuz ntơưr tâu canr bôv xar hêik kriê, sir jos paz uô. Cur shir phaz hênhr thiêz uô tsâus ntâu txos chor canr bôv xar viv tưz paz trâu cur uô têx ntâuz ntơưr y têr trâu chuôz zis”.

Chiê phưx vưv tâu jông tiv zix trâu pêx xênhv, chor ntâuz ntơưr puôr lênhx tâu txêik jênhv thiêz tâu canr bôv công chức nhoz yênhx kror hâux lưv ntơưv no kriz uô jông thiêz sêi. Zơưv Nguyễn Đình Triều, Phưv Giám đốc Tsênhv qơư phưx vưv hành chính công xar Sin Suối Hồ puz pâuz:

“Chor nênhs tuôx uô têx ntâuz ntơưr ntơưv Tsênhv qơư phưx vưv hành chinhr công lok six chôngz thiêz chor canr bôv, công chức cux tưz sir jos uô jông têx hâux lưv. Thâuv nhiv kruôr yênhx lix li no mak xar kuz Sin Suối hồ thiêz Nậm Xe kuôk tsênhv qơư lok six đêz. Ntơưv xar kuz pêz tưz muôx ntơưr hêik pâuz tiêk txix hnuz 1/7 pêz zuôr txêik jênhv uô têx ntâuz ntơưr ntơưv xar yiêz. Pêz tưz tso oz lênhx canr bôv chiê txêik jênhv têx ntâuz ntơưr thiêz hêik kriê pêx xênhv ntơưv 2 qơư Sin Suối Hồ thiêz Nậm Xe, chiê pêx xênhv đăng nhập thiêz uô ciês têx ntâuz ntơưr trực tuyến”

Xar ntus đriv Sin Suối Hồ, tỉnh Lai Châu yiêz tâu yênhx lix txix chiê 3 luz xar Nậm xe, Si Suối Hồ (huyện Phong Thổ kuz) thiêz xar Thèn Sin (huyện Tam Đường kuz) lok uô cê. Xar Sin Suối Hồ yiêz đar xar muôx 256 cêik cêr ndis, dân sôr muôx 16 cxênhz ntâu lênhx nênhs thiêz muôx tsôngv box Thái, Hmôngz, Cho uô nênhx nhoz.

Zơưv Nguyễn Mạnh Cường, Chủ tịch Ủy ban xar Sin Suối hồ, tỉnh Lai Châu puz pâuz, đhâu chiê lok uô cê, tas nro xar muôx 80 ntâu lênhx canr bôv, công chức. Đảng ủy, Hôiv đồng, Ủy ban, Ủy ban Mặt trận têz qơưk xar tsưr tsix ntâu jiês cơưv zov chênhr đros tsưr ziv nzor tso tơưv têx chêi, cui tênhv, muôz bôv mêir yiêz lok uô hâux lưv cov tâu truôx jông. Chor jiês cơưv Thường trực, Ban Thường vuv, Ban Chấp hành txos trâu Hôiv đồng xar li jiês cơưv tiv iz thiêz chor phòng ban, đoanx thêv li jiês cơưv tâu kriz cơưv jux juk:

“Uô ntêx, chiê piz uô têx hâux lưv, pêz tưz chiê kriz uô chor jênhv vưv chiê tso tơưv chor dưv thảo Nghị quyết. đhâu xav jênhv qênhx shênhx mak tsênhv zuôr yuôr iz cxiê kror phiv liv, cêr txov cik txos chor canr bôv cấp xar kuz thâuv uô lơưr tsưr ziv yiêz, viv li ntu xuz thơưx cux tsênhv yuôr iz cxiê kror uô tsik tâu jông. Canr bôv xar Sín Suối Hồ zuôr sir jos uô cov tâu jông têx hâux lưv, nzor paz trâu xar huôx tôngv tâu ngaz tuk”.

Iz bôv mêir chinhr quyền yiêz, iz qơư hành chinhr yiêz, taz sik phưx vưv trâu pêx xênhv tsik so tâu sir jos uô jông puz pov muôx tas nro cxiv luôs li têx sir jos lok chinhr triv thiêz txơưx jênhv siêz hâur uô têx hâux lưv./.

Khắc Kiên-Lik Thox cxêik nhênhv

BAX PHAX TIR THÊIR MOZ KRUÔ PIÊK –RUBELLA

Tsôngv box....! Txix hâur shôngk shông 2015 txos nhiv no, tas nro têz qơưk muôx 95 cxênhz ntâu lênhx nênhs tâu xav zos trâus moz kruô piêk; 11 lênhx trâus tuôs viv moz kruô piêk. Ntơưv Sơn La muôx zuôr xar 2 cxênhz lênhx nênhs tâu xav trâus moz kruô piêk, tsi pov lênhx nênhs tưs trâus tuôs. Co zos zav moz zôngx ziv siz cik tâu, taz sik muôx têx phax tar tâu zos tsôngv pêx xênhv muôx tsưr ziv thiêz uô lơưr cxix cxuô.

Moz kruô piêk thiêz Rubella zos zav moz riêz nênhs zôngx ziv siz cik tâu tiv nưk muôx nưk iz zav caz moz uô huôv moz thiêz muôx têx yênhx moz lox , siz cik tâu trâu luôs lưv tus đhâu huôz chuô thâuv lênhx nênhs moz hnôngk, cxav lok sik nhoz siz jê. Thiêz txơưv lênhx tưs cux muôx têx trâus moz, taz sik chor nhuôs zâu tsi tâu muôx 5 shông thiêz têx lênhx tsi tâu cxax yuôx vắc xin ntơư zôngx ziv trâus moz đuô hur si.

Moz kruô piêk thiêz Rubella khênhr muôx têx moz yưv li: Uô cuz uô no, moz chax đaz, tơưv uô têx luz poz hlưr đêx liêz, thâuv trâus moz tsi yuô muôx đas jos, mê nhuôv zôngx ziv trâus moz lox zos tsi tâu chơưv kho zênhx max. Chor nênhs tsi yuô muôx đas jos puôr lênhx zôngx ziv trâus cik tâu moz, lar heik zos nhuôs zâu. Pox niêv xênhz tuz ci hâur chêr muôx 3 luz hlik trâus moz Rubella muôx têx zuôr trâus nquôr mê nhuôv, mê nhuôv trâus tuôs hâur chêr lok sik xênhz zus tâu lok trâus moz Rubella thâuv nhoz hâur đruôz thiêz: Moz plơưr, kror muôs tsi yuô pov cêr, las njês thâuv nhoz hâur đruôz thiêz, tsi yuô khênhr hloz li lưv tus mê nhuôv txơưr đuô. Lênhx nhuôs trâus moz ntâu zav li heik sâuv zuôr uô trâu chuôz zis njiz trâus ntâu phiv liv.

Moz kruô piêk thiêz Rubella tsi tâu muôx yuôx kho jông. Cxax vắc xin moz kruô piêk-Rubella zos tsưr ziv jông đuô hur si chiê phax tir thêir, txo grêk tsơưs chor nênhs trâus moz, txo grêk phiv liv, jux juk phax tir thêir tâu, tsi muôx lênhx nênhs tưs trâus moz kruô piêk, Rubella. Têx moz txơưr đuô muôx têx njiz trâus zos tsi tâu chơưv kho sei, lar heik zos moz njưk, trơưk plaz, kror muôs tsi pov cêr, chơưz poz tsi txơưx hloz, moz hlưz hâu lok sik trâus tuôs.

Chiê phax tir thêir moz kruô piêk-Rubella, txo grêk tsơưs lênhx nênhs trâus moz thiêz trâus tuôs hâur thax tsav, sơưr đơưk tsuv uô trơưk iz cxiê tsênhv njiêz li đrav kaz:

-Cxax txâuk 2 côngz yuôx vắc xin phax phôngz moz kruô piêk-Rubella ntơưv têx qơư cxax yuôx phax phôngz moz gênhk hâur thax tsav.

-Vêv xênhz iz chêr hur si thiêz qêz suô qơư nox nhoz đu lus: Tsi chiê mê nhuôv nhoz jê đros têx lênhx nhuôs tâu xav tiêk trâus moz kruô piêk; muôz xaz phôngx nzuôr têk tsi so, lar heik zos thâuv tsoz phưz mê nhuôv; nzuôr hur si mê nhuôv iz chêr, kror ndâux, kror njưs, chax đaz, kror muôs hâur niêx hnuz; Tsêr nhoz, qơư tơưv trôngx tsuv hur si, lax nziês; muôz mê nhuôv nox hâuk huv đros, txâuk têx jâuz mor; chiê mê nhuôv nox niêv mik hâur 6 luz hlik xuz thơưx đhâu xênhz zus lok. Hâur chor tsêr cơưv, tsêr seiz jor mê nhuôv ntơư tsuv đu lus, hur si, lax nziês; tsi so vêv xênhz nhuôs têx chuôz zênhx uô si, chuôz zênhx phưx vưv cơưv ntơưr thiêz qơư nhoz cơưv txux chi txix muôz cuô đêx yuôx nzuôr.

-Tsuv chox mê nhuôv muk seiz njuôk shuôs thiêz kho moz zênhx max: Thâuv nhuôs muôx têx moz yưv tâu xav tiêk trâus moz kruô piêk li: Uô cuz uô no lox, hnôngk, lok cuô njưs, kror muôs liêz, tơưv uô têx luz poz hlưr đêx. 

-Tsi tâu zuôr yuôx lok kho hâur tsêr thâuv nhuôs uô cuz uô no lox lok sik muôx yưv têx moz txơưr txar li chas.

-Tsơưs chox mê nhuôv muk seiz njuôk shuôs, kho moz trâu chor tsêr kho moz zos tsi zov chênhr, chiê txo grêk tsơưs siz cik tâu lưv zav moz txơưr đuô đros thiêz txar jav chôngz nênhs moz hênhr.

Moz kruô piêk zos zav moz riêz nênhs, taz sik muôx têx phax tir thêir tâu zos sơưr đơưk cxax cxix cxuô yuôx phax phôngz moz thiêz vêv xênhz qơư nox nhoz, iz chêr hur si. Sơưr đơưk tsuv sik đros uô jông trơưk têx tsưr ziv piêr kriê chiê tsưx phưv đas jos truôx tuk trâu têx tuz nhuôs txix ciês nhiv no./.

Hồng Việt-Riê Lâux cxeik, nhênhv