Xã chuv tôngv, tỉnh huôx tôngv hâur bộ meir chính quyênx 2 cấp nhoz Sơn La

           Đhâu thâuv sik côngv uô cê, têx xã, phường sâuv thax tsav tỉnh Sơn La tưz chuv tôngv bax qơư uô côngz xưv, lênhx nênhs tos tiêv tsôngv box thiêz têx ntâuz ntơưr hành chính ntơưv ntâu qơư đrâuv qơư uô xưv tsênhv chiê phưx vưv tsôngv box jông đuô. Zơưv Lò Phong Nam, Chủ tịch UB phường Chiềng Sinh, Sơn La thôngz xor mông:

          “Pêz muôx 2 qơư uô xưv hành chính côngz, tsênhv qơư nhoz phường Chiềng Sinh, qơư tos jênhv ntâuz ntơưr hành chính tiv 2 nhoz xã Chiềng Ngần kuz, chiê pox nhuôk tsi tsuv muk đêz”

          Têx jênhv vưv zov chênhr đhâu thâuv sik côngv cux tưz tâu têx phòng, ban chuyên môn ciêr chênhr krez uô txix têx hnuz xuz thơưx. Pos Mè Thị Niên, Tsar ban cxiv tsa Đảng, phường Chiềng Sinh puz pâuz, 5 cán bộ, côngz chức hâur ban puor lênhx tưz muôx ntu uô côngz xưv thiêz muôx chênhz zênhv uô jênhv vưv chuyên môn, đros chuv tôngv nriêr pâuz thiêz uô hâux lưv, viv li tsi njiz phêv liv thâuv uô trâur nuv yiêz:

          “Ban cxiv tsa Đảng xav tênhv qir thơưx muôx lok six ntâu jênhv vưv, li yênhx lix têx chiz coaz chuyên trách paz hâux lưv trâu đảng uỷ; yênhx lix truôx têx tsưr tsix đảng nhoz Đảng uỷ thiêz têx quy chế uô haux lưv hâur đảng uỷ, hâur ban; bax têx njiêz luv đại hội đảng zuôr txos”.

          Tâu sik côngv txix 5 xã, thị trấn, xã Yên Châu yiêz muôx thax tsav đar đuô, jênh số chôngz đuô, ntâu côngz tsinhx, dự án kho đuô tsêr cơưv ntơưr, cêr zaoz thôngz, khưx phưx têx trâus ruôr hiêv tiv ntux nas….tưz tâu krêz côngz cxiv tsa uô ntêx co. Lơưr zơưv Lù Văn Cường, Bí thư Đảng uỷ xã Yên Châu, Sơn La, cxuô côngz xưv tâu uô jông khov tiv phaz chuv tôngv cux xưk li têx taz viv cik txos sik côngv uô:

          “Đảng uỷ xã Yên Châu tưz chuv tôngv cxuô tsưr ziv chiê tsưr tsix bộ meir 2 cấp, txix bax uô txos yax mông, krêz uô têx jênhv vưv sâuv thax tsav taz por tsưr tsix fênhx yax, txix têx dự án yưv pênhr cxiv tsa txos pox nhuôk li côngz xưv tsiv uô”.

          Hâur têx hnuz xuz thơưx huôx tôngv chính quyênx cấp xã yiêz, tỉnh Sơn La tưz tso ntâu đoanx congz xưv muk qênhz yuôx, pâuz tâu qênhx shênhx chiê heik kriê, paz têx tiv phaz. Têx sở, ban, nganhx cux yênhx lix têx tuêv chuyên môn paz cán bộ, công chức uô bộ meir cấp xã yiêz. Zơưv Nguyễn Tiến Minh, GĐ Sở nhiêx txiêx thôngz xor mông:

          “ Đros vênhv thix nganhx tài chính, sở tưz muôx ntâu ntâuz ntơưr heik kriê xã, thâuv zuôr trâus mak heik cán bộ muk ntơưv qơư heik kriê têx xã uô. Đrâuv tỉnh li tuêv, sở cux yênhx lix têx tuêv chuyên môn, li nhiêx txiêx, yưv pênhr côngz….,muôx đồng chí Phưv giám đốc phưv txơưx thiêz cán bộ công chức paz heik kriê, têz têx vênhv thix xã nus hâur huôx tôngv chính quyênx 2cấp”.

          Txix niêv đrôngs txos tox siêz, ntus đriv, 75 xã, phường nhoz Sơn La tsênhv jux jus truôx tul tsưr tsix bộ meir, tror krêz uô tiv phaz li côngz xưv đhâu thâuv sik côngv. Tiv zix zos bax thiêz tsưr tsix đại hội đảng bộ; chêx chôngk sâuv zuôr xiv huv kôngz nuv, phax tar ntux nas; đros têx jênhv vưv lêx ntêr chiê krêz uô, huôv tsar KTXH thiêz taz por nox nhoz xã hội sâuv thax tsav./.

(Lê Hạnh-Txâur Vax cxeik nhênhv)