Sap hâi lơ 1/7, tơdrêng ƀă lâp tơnêi têa, kong pơlê Dak Lak pơxiâm pêi cheăng túa kăn xiâm kong pơlê 2 râ. Tâi tâng 102 to cheăm, bêng tung kong pơlê Dak Lak hiăng xúa kŏng ngê̆, mơdêk pơ’lêh kơxô̆ tung tơdroăng pro hlá mơ-éa. Kuăn pơlê troh a tíu pêi cheăng cheăm, bêng ki xiâm cho vâ pro hlá mơ-éa ki kal: hlá mơ-éa rơpŏng hngêi, chêh inâi pro hlá mơ-éa khai sanh, lăm pro hlá mơ-éa drêng ai ngế hlâ, pro ƀaoh hiêm khăm pơlât, mơnhên tíu troh ối, pro hlá mơ-éa xúa tơnêi, pro hlá mơ-éa mot hriâm... ƀă hên ki ê.... mâu kăn ƀô̆, mâu kăn ki pêi cheăng hiăng tơdah, hmâ ƀă tơdroăng phần mêm xúa tơdjuôm tung lâp kong pơlê.

Malối, Hyôh phôn Dak Lak hiăng rah mâu ki hmâ rơkê ‘na phần mêm ƀă kih thuat viên troh veăng hnê mơhno pêi cheăng ‘na pro hlá mơ-éa tung kơmăi. Mâu tơdroăng mơ-eăm tơdrêng mê veăng pro tơ’lêi hlâu ăm kuăn pơlê drêng troh pro hlá mơ-éa ki kal.