A rôh hôp, Tỉnh ủy Lâm Đồng hiăng tơbleăng ƀă diâp mâu pơkâ rah xo  râ kăn, râ phŏ ăm mâu kơ koan tăng ‘nâi plĕng, kum veăng pêi cheăng ăm Tỉnh ủy ƀă mâu Đảng ủy.

Tơbleăng pơcháu hnoăng cheăng pêi, pôa Y Thanh Hà Niê K’đăm, Ngế cheăng tung tíu xiâm Đảng, kăn hnê ngăn Tỉnh ủy Lâm Đồng tối nhên hnoăng cheăng pêi djâ troăng ahdrối ăm mâu kăn ƀô̆ tung tơdroăng pơxiâm pêi cheăng môi khu pú hên tơrŭm dêi rơpó, pêi cheăng tro luât ƀă tuăn vâ pơ’lêh nếo; tơngah khu kăn ki nếo kô pơtối pêi cheăng tâi ivá ki rơkê tơná tung pơkuâ hnê mơhno, mơnhông kong pơlê Lâm Đồng xôn tơƀrê krá rơdêi.

Tuăn khên tơmiêt, khên pêi, ‘nâi nhoăng ki pơrá phá  ƀă mơhnôk môi tuăn dêi pó ing tung dé ing hên tơdroăng kô cho xiâm ki kal tung mơjiâng mâu kăn pêi cheăng tơdrăng lĕm, pêi cheăng xua kuăn pơlê.

-