A rôh hôp  mâu kong pơlê môi tiah Hà Nội,  pơlê kong kân Hồ Chí Minh, Bắc Ninh, Nghệ An, Dak Lak... tối nhên tơdroăng hiăng pêi châ tơbrê 6 khế apoăng hơnăm ƀă tơhrâ pêi mâu troăng hơlâ pơkâ tâk 8% tung hơnăm 2025. Teăng mâ mâ tíu pêi cheăng tối ki pá tung pêi  cheăng dêi mâu kăn 2 râ, malối cho oh tá tŭm kơ koan séa ngăn, pâ thế tâk biên chế pêi cheăng.

Tối mơgêi, pôa Phạm Minh Chính Ngế pro xiâm, hnê ngăn Chin phuh  tối tơdroăng cheăng kâ - pơlê pơla dế xông vâ pơ’lêh, ƀă tŭm 3 kơpong tâk hên, pơlê kong kân Hồ Chí Minh tâk 7,82%, Hà Nội 7,63%. Ngế pro xiâm hnê ngăn tơnêi têa pơkâ thế pơtối pêi cheăng dêi mâu kăn péa râ tơ’lêi hlâu, oh tá ăm kuăn pơlê khu mơdró tro hrá tung pro hlá mơ-éa; tơniăn rêh ối ăm pơlê pơla ƀă rĕng pêi pro tơmeăm khoăng ki ‘no liăn mơjiâng pro.