A rôh trâm kuăn pơlê, Kăn xiâm hnê ngăn Kuô̆k hô̆i tối ‘na klêi kơ’nâi Hneăng hôp má 9, Kuô̆k hô̆i hneăng 15 ƀă tơpui leăng nhên troăng hơlâ ‘mot tơkŭm kong pơlê, pơlê kong kân cho pơkâ ai pơxúa sap nah hâi chói ai, vâ pro lế lĕm kơ koan cheăng tơnêi têa, mơdêk ki tơƀrê tung pơkuâ ngăn, pêi cheăng gum ăm kuăn pơlê tro tâ ƀă khu mơdró kâ.

Kăn xiâm hnê ngăn Kuô̆k hô̆i pơkâ thế Cần Thơ mơdêk rơdêi hnê tối, gum kuăn pơlê hlê nhên pơkâ pêi, ki pơxúa dêi tơdroăng ‘mot tơkŭm. Tơdrêng amê, mơnhông ki pơxúa pơlê kong kân, gum dêi rơpó vâ mơnhông cheăng kâ rêh ối, mơdêk tơdroăng rêh kâ ối kuăn pơlê. Vâ pêi châ tơdroăng pơkâ chiâng tơnêi têa pêi lo liăn ngân tâ dâng lơ chía châ hên a hơnăm 2030, Cần Thơ kal pơkâ mơdêk cheăng kâ sap ing 8% tơngi klêng nôkố ƀă mơdêk péa kơxô̆ tung hneăng hơnăm 2026 – 2030, tơdâng ƀă kơlo tơdâng tung lâp tơnêi têa.