A Tíu xiâm pơkuâ tơnêi têa dêi péa tíu cheăng, Kăn xiâm pơkuâ hnê ngăn Đảng séa ngăn tơdroăng xing xoăng kế tơmeăm khoăng, mâu kơmăi kơmok, mơnế pêi cheăng ƀă tơdroăng pêi cheăng hnê mơhno pro mơ-éa ăm kuăn pơlê, hbrâ pêi cheăng khu pêi cheăng nếo sap ing hâi lơ 1/7/2025.

Kăn xiâm pơkuâ hnê ngăn Đảng kơ-êng khu kăn ƀô̆, kŏng chưk ƀă pơkâ thế mơnhông hiêm mơno pôu râng hnoăng cheăng, tơniăn khu pêi cheăng tơnêi têa châ tơƀrê, tơniăn lĕm sap ing hâi apoăng. Tối rơdêi tơdroăng kum kuăn pơlê cho ki xiâm, Kăn xiâm pơkuâ hnê ngăn Đảng pơkâ khu râ kăn pơkuâ kuăn pơlê thâ tơniăn khu pêi cheăng, ‘nâi nhên tơdroăng gâk kring tơniăn, ôh tá lôi ai tơdroăng ki tô. Tơdrêng amê, mơnhên mơjiâng Đảng cho hnoăng cheăng ki xiâm ƀă hbrâ ăm i lĕm ăm Hneăng hôp Đảng râ pá xôp tung la ngiâ.