Xông tơpui a roh leh, pôa Tô Lâm, Kăn xiâm pơkuâ hnê ngăn Đảng mơnhên, drêng pro Kăn pơkuâ hnê ngăn Đảng, pôa Nguyễn Văn Linh hiăng pêi pro mâu troăng hơlâ pơhlêh ó rơdêi, tah lôi mâu tơdroăng ki pá ‘na troăng pơkâ pêi, tah lôi ivá pêt mơjiâng, po rơdâ hnoăng pơkuâ xêh ăm mâu tíu pơkuâ, mơnúa ƀă kơ’nâi mê pro krá kâk mâu tơdroăng cheăng kâ ôh tá xê tơnêi têa pơkuâ, mơjiâng troăng kơchơ mơdró ai tơdroăng pơkuâ dêi Tơnêi têa, po rơdâ tơpui kâ, hbrâ mot tơrŭm lâp plâi tơnêi.

Tối rơdêi, tung pơla tâi tâng hdroâng mơngế dế tơdjuôm ivá môi hiâm mơno pêi pro ƀlêi trâng Pơkâ Hneăng hôp roh má XIII dêi Đảng, lâp tơnêi têa pơxiâm xúa troăng pêi pơkuâ tơnêi têa péa râ ƀă tíu mơnhông nếo, pôa Tô Lâm, Kăn xiâm pơkuâ hnê ngăn Đảng pơkâ thế ƀă pói vâ tá khu cheăng kal kí thế pơtối mơnhông hiâm mơno pêi cheăng tiô pôa Nguyễn Văn – hiâm mơno pơhlêh nếo, khŏm mơ-eăm, khoa hok, achê kuăn pơlê ƀă môi hiâm mơno tiô troăng mơnhông cheăng kâ kơchơ mơdró tiô troăng xah hô̆i chuh ngiah, laga tơdrêng amê ƀeăn ƀĕng, kâi trâng rĕng ƀă mâu troăng xúa kŏng ngê̆, liăn xúa mơ’no lĕm ƀă kong prâi mơnhông krá tơniăn, pơhlêh xúa kŏng ngê̆, cheăng kâ xúa kŏng ngê̆, cheăng kâ mơnhông đi đo; pơtối djâ Tơnêi têa mot tơrŭm trâu hơngế tâ ƀă tơdroăng cheăng kâ lâp plâi tơnêi, tơdroăng cheăng kâ lâp plâi tơnêi ƀă tơdroăng cheăng kâ rơkê dêi kuăn mơngế, vâ tơxâng ƀă mâu kong têa pơtăm kơpong.