Mơgêi thâi tơ’noăng apoăng, hok tro Dak Lak oh tá rơxá tơmiêt troh ƀai tơ’noăng hâi má péa
Thứ sáu, 14:00, 27/06/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê lơ 26/6, lối 22 rơpâu ngế hok tro kong pơlê Dak Lak hiăng tơ’noăng klêi môn toán, hiăng klêi tơ’noăng hâi apoăng dêi hneăng tơ’noăng mơgêi râ má pái phôh thông hơnăm 2025.
Tơmâng xo a hên tíu tơ’noăng, ki hên mâu hok tro ăm ‘nâi pro ƀai chiâng, tuăn ngôa tơniăn ƀă hbrâ vâ tơ’noăng hâi pơtối. Hdrối mê, tung peăng kơxo, hok tro a Dak Lak hiăng klêi tơ’noăng ngữ văn. Kơxô̆ hok tro veăng tơ’noăng hâi apoăng a kong pơlê châ lối 99%. Hâi kố 27,6 ngế hok tro pơtối tơ’noăng mâu môn Khoa học Tự nhiên lơ Khoa học xah hô̆i a peăng kơxo ƀă môn Nâl kong ê a peăng kơxê.
Jâ Lê Thị Thanh Xuân, Ngế pơkuâ ngăn hnê xiâm ƀă hnê mơjiâng tuăn ngôa rơkê kong pơlê Dak Lak, ăm ‘nâi: Kơvâ ngăn hnê hriâm ƀă hnê mơjiâng tuăn ngôa rơkê pơtối pêi kơtăng mâu pơkâ vâ hneăng tơ’noăng tơniăn ƀă tro tiô luât hiăng pơkâ.
Viết bình luận