Ngế pro xiâm hnê ngăn tơnêi têa: Mơjiâng pơlê kong kân Hải Phòng (nếo) ƀă mâu tơdroăng cheăng kâ ki xiâm hên kơvâ, tiô rơxông nếo, tơbriât ƀă lâp plâi tơnêi
Thứ ba, 08:21, 01/07/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Kơxo lơ 30/6, a pơlê kong kân Hải Phòng, pôa Phạm Minh Chính, Ngế pro xiâm hnê ngăn Chin phuh veăng Leh tơbleăng Pơkâ, tơdroăng pơkâ dêi Tơnêi têa ƀă kong pơlê ‘na tơmot chiâng môi tíu pêi cheăng tơnêi têa râ kong pơlê, râ cheăm, mơgêi tơdroăng pêi cheăng tơnêi têa râ tơring, mơjiâng khu pơkuâ hnê ngăn Đảng, rah xo khu râ kăn pơkuâ hnê ngăn cheăng Đảng, Hô̆i đong kuăn pơlê, Vi ƀan kuăn pơlê, Vi ƀan Mât trâ̆n Tơnêi têa Việt Nam pơlê kong kơdrâm, cheăm, bêng, đăk khu.
Pơlê kong kân Hải Phòng (nếo) châ mơjiâng tiô tơdroăng rah xo tâi tâng ƀăng ki ai xêh, pơ’leăng mâ mơngế dêi Pơlê kong kân Hải Phòng ƀă kong pơlê Hải Dương.
Ngế pro xiâm hnê ngăn tơnêi têa tối, tơdroăng ki kal kố tơdroăng ki pơxiâm ăm môi troăng mơnhông nếo hên pá puât ƀă pơloăng mơnúa, pro hlá mơ-éa ƀă tơnêi têa kal kí, khôi túa lĕm, khoa hok kih thuât ki kal, tơniăn krá gâk kring tơnêi têa, pơkâ tơdroăng ki mơ-eăm hên, mơ-eăm kân, pêi kơtăng, tơdroăng tơrŭm môi tuăn, môi tuăn sap apoăng troh tá tui lui nếo châ pơkâ kố.
Viết bình luận