Ngế pro xiâm hnê ngăn tơnêi têa tối rơdêi, tơdroăng pêi pro Tơdroăng pơkâ Hneăng hôp má XIII pơkâ tơdroăng ki mơnhông châ tơƀrê vâ châ pơkâ 100 hơnăm hiăng pơkâ mơ’no. Ngế pro xiâm hnê ngăn tơnêi têa pơkâ thế Tơdroăng tơkêa bro kal djâ troăng pêi cheăng ton xŏn, tâi tâng, rế xúa ki ton ki kơnâ vâi krâ nah, rế tơmot ki rơkê khôi túa lĕm tro lâp plâi tơnêi.

Inâi krếo thế tiô troăng ‘’lâp plâi tơnêi khôi túa lĕm tro hdroâng kuăn ngo, hdroâng kuăn ngo xo pêi tiô ki rơkê khôi túa lĕm tro lâp plâi tơnêi’’. Tơdroăng tơkêa bro thế pro inhên tơdroăng ki tơdjuôm, kơpong, mơngế, pơkâ xiâm, hnoăng cheăng ƀă troăng pêi inhên. Ngế pro xiâm hnê ngăn tơnêi têa xuân pơchân troh tơdroăng mơnhông kơmăi kơmok khôi túa lĕm, pơkuâ ki rơkê, mơhnhôk mơngế pêi cheăng, mơdêk ki hlê plĕng pơlê pơla, pơtâng tối trâu hơngế ƀă pơhlêh tơdroăng rêh ối hiâm mơno dêi kuăn pơlê. Khôi túa lĕm tro athế chiâng ivá mơhnhôk, xiâm kối hiâm mơno pêi pro krá ăm mơnhông tơnêi têa tung hneăng nếo.